Shillong Nailar 07: U Superintendent of Police (Traffic) ka East Khasi Hills, u Dr. Hari Prasanth M. R. ula pyntip ba baroh ki trai jong ki taksi kamai bad Auto Rickshaw kiba kamai ha East Khasi Hills District kin hap ban pyndap ia ki phom ban ioh ia ki ‘Sticker’ kali.
Katkum ka jingpynbna, u SP Traffic, ula ong ba ka ophis kan sa ai ia ki ‘Sticker’ ryngkat bad u nombar na ka bynta ki taksi kamai bad Auto Rickshaw, ha kaba kin hap ban siew ia ka T.150 na ka bynta kawei ka ‘Sticker’.
Kane kan treikam naduh ka 7 tarik u Nailur haduh ka 6 tarik u Naiwieng 2026 bad hadien katei yn dain kuna T.500 kum ka jingslem ne Late Fee na ki trai kali, nongniah jong ki taksi kamai bad Auto Rickshaw.
La bthah ia ki trai kali bad nongniah ba kin pynbiang ia ki kot ki sla kiba lah dep pynthymmai (original) bad ki kot ki sla kiba la dep ban shon biang ne Photocopy ban ioh pdiang ia ki ‘Sticker’ bad ia ki kot ki sla na ka bynta katei yn sa buh noh kum ki rekod.
Ki kot ki sla kiba hap ban pynbiang ki kynthup ia ka Registration Certificate, Permit, Insurance Certificate, Fitness Certificate, ka Trading License na ka bynta ki trai kali ki bym dei ki riewlum, ka Professional Tax, Passenger Tax, M.L.M.T.U Certificate, Pollution Certificate bad ia ka EPIC/AADHAR ne kino kino ki ID ban pynshisha ia kiba iohpdiang (Trai Kali/Nongmihkhmat).
Hadien ba la khmih ia baroh ki kot ki sla bad la shem ba ki long kiba la biang, yn sa aiti ia ka ‘Sticker’ bad dei ban tah ia ka ‘Sticker’ ha ka bynta ba shakhmat jong ka liang kadiang jong ka kali.
 ka East Khasi Hills, u Dr. Hari Prasanth M. R. ula pyntip ba baroh ki trai jong ki taksi kamai bad Auto Rickshaw kiba kamai ha East Khasi Hills District kin hap ban pyndap ia ki phom ban ioh ia ki ‘Sticker’ kali.){kind=link}