Shillong, Nailar 05 : U Symbud Myntri Rangbah ba khmih ia ka Tnad Urban Affairs Bah Sniawbhalang Dhar ha ka sngi Balang ula ong ba ka Sorkar ka dang bishar bniah ia ka jingdawa jong ka Khasi Students’ Union (KSU) ba iadei bad ka jingkynnoh tei mandir ha phyllaw ka Ophis ka CBI.
Haba kylli ia ka jingaipor 7 sngi jong ka KSU ia ka Tnad Urban Affairs haba pan jingpynshai la ka don ne em kano kano ka kyndon ba shah ban tei mandir ha jaka ka CBI, u Bah Sniawbha ula ong ba kane ka kam ka dang don hapdeng ka jingkhmih bniah.
“Ia kane ka kam la khmih mynta da ka NSTDA. Ailad ia nga ba ngan iakren bad ki Ophisar bad ngan sa ai jubab. Ngam lah ban ai ia phi ia ka jubab kaba bakla” ong u Bah Sniawbha haba bynrap ba ka Tnad kan sa bishar lut ia baroh ki kyndon hashuwa ba kan ai jubab.
“Ngin sa iapeit kiei ki kyndon ki don. Ngin sa bishar bniah bha bad ngan sa pyntip sha phi” ula ong.
Dang shen, ka KSU kala khang tala ia ka mandir haba kynnoh ba ka dei kaba la tei beain hapoh ka phyllaw ka Ophis CBI.
 ba iadei bad ka jingkynnoh tei mandir ha phyllaw ka Ophis ka CBI.){kind=link}