Shillong, Risaw 07: Ka Bharatiya Janata Party (BJP) hynne ka sngi thohdieng, kala thaw ia ka Mandal jong ka 17th North Shillong Constituency ban pyntyllun shakhmat ia ki kam ba iadei bad ka jingpynkhreh ia ka elekshon MLA-2023.
Kane ka Mandal kaba don haduh 35 ngut ki dkhot ka dei kaba la khlieh da u Bah Malcolm Najiar.
Ka Mandal Committee kaba thymmai kala shong jingialang ruh hynne ka sngi ban iapyrkhat ia ki kam ki jam kiba iadei bad ka elekshon MLA ban wan.
Kumba long kumta, ka kyrteng kaba hakhmat eh kaba paw ban long u kyrtong ka BJP na North Shillong Constituency ka dei jong u Heh Pulit IPS Bah M Kharkrang, uba la pyniasoh sha ka BJP ha u bnai Nailur.
