Guwahati, Naitung 21: 8 ngut ki briew ki la ïap bad 12 ngut kiwei pat ki la shah pyllait im hadien ka jingtwa khyndew kaba dang shna ha ka NHPC Teesta Stage VI Hydroelectric Project ha South Sikkim, katba palat 18 ngut ki briew ki dang don ha ka jingtieng, wat la ka jingkheiñ kaba thikna kam pat lah ban pynthikna.
Katei ka jingjia ka la jia ha ka por kumba 3.09 baje eiei janmiet jong ka sngi Nyngkong hapoh ka tunnel Samardung ha Mamring ha ka thain Jholungey, ha kaba la ngeit ba ka jingtwa khyndew ka la pynmih ia ka
Katei ka jingjia ka la jia ha ka por kumba 3.09 baje eiei mynstep jong ka sngi Nyngkong hapoh ka thliew Samardung ha Mamring ha ka thain Jholungey, ha kaba la ngeit ba ka jingtwa khyndew ka la pynmih ia ka methane gas na ki maw kiba don hapoh khyndew, kaba la pynlong ia ka lyer kaba sniew kaba la pynthut shibun ia ki kam pynlait im.
Ki kynhun pynlait im ki la ïakhun ïa ka jinghap slap kaba khlem sangeh, ka jinglong jingman kaba khlem shongthait hapoh ka tunnel bad ka jingsuba ba ka mih ka methane kaba lait, kaba la pynlong ïa ki ban shem jingeh ban poi sha kito kiba sahkut. La iathuh ba ki don ruh ki nongpyllait im kiba dang pynlong ia katei ka jingkhynra.
Kham ha shwa, u Deputy Commissioner ka Namchi, u Anupa Tamling, u la ong ba ki nongpyllait im na ka Fire and Emergency Services ki la pyrshang ar sien ban rung shapoh katei ka tunnel hynrei ki la hap ban kynran dien noh namar ka jingdon jong ka methane gas kaba long kaba ma.Ka kynhun NDRF ba nyngkong ka la pynkynriah noh ïa ki, hadien kata ka kynhun ba kyrpang jong ka NDRF kaba la pyndap da ki (breathing apparatus and gas masks) tiar pynhiar mynsiem bad ki mask gas ki la rung shapoh ka tunnel ban bteng ïa ka jingtreikam.
Ka jingkhein ba nyngkong ka la pyni ba 19 ngut ki nongtrei ki la sahkut ha kaba sdang hadien ba la pra.Hadien lai ngut ki briew jong ka Patel Engineering ki la rung shapoh katei ka tunnel ban iarap ban pyllait im, hynrei arngut na ki ruh ki la sahkut. La ngeit ruh ba 6 ngut ki briew jong ka NHPC ki don hapoh katei ka tunnel, kaba la pynkiew ia ka jingkhein jong kito kiba la tieng ba ki la sahkut sha ka palat 30 ngut ha kaba sdang.Hynrei ki heh sorkar ki la ong ba ïa ka jingdon thikna jong ki briew kiba dang don hapoh ym pat lah ban pynthikna tad haduh ba ki kynhun pynlait im kin ïoh lad ban leit sha ka bynta jong ka tunnel.
Ki nongtrei kiba la lait na ka jingtwa ki la ïathuh ha ki heh ophisar ba ki la ïohsngew ïa ka jingsawa kaba jam kum ka jingbthei katto katne por shwa ban twa ka khyndew bad ki la mareh noh shabar jong ka tunnel.
Ka jingpyllait im kaba heh bha da ki bun tylli ki tnad kaba la ïadon bynta lang bad ki National Disaster Response Force (NDRF), State Disaster Response Force (SDRF), Sikkim Police, Fire and Emergency Services, ka bor pyniaid District jong ka Namchi, ka tnad ka koit ka khiah bad ki nongshong shnong ka dang ïai bteng baroh shisngi.
U Myntri Rangbah ka Jylla u Prem Singh Tamang u la buddien bha ïa ka jingpyllait im bad ïatreilang bad baroh ki tnad ba dei peit ban pynthikna ba baroh ki lad ki lynti kiba don kin pyndonkam.Ki bor pyniaid ki la khang ruh ia ka jingleit jingwan ha kylleng ka jaka jong ka projek ban pynsuk ia ka jingleit jingwan jong ki kali ba kyrkieh bad ki tiar pynlait im.
Da kaba pynthikna ba 8 ngut ki la ïap bad palat 18 ngut ki briew ki dang sahkut, ki nongpyllait im ki dang bteng ïa ka jingpyrshang jong ki pyrshah ïa ka por ha kawei na ki jingjia ba shyrkhei tam ha ka kam karkhana jong ka Sikkim ha kine ki snem ba la dep.
