Shillong, Naitung 15: Ka Kutumba Surakshya Parishad kala pyrshah jur ia ka jingdawa ka Khasi Students’ Union’ ban pynpra noh ia ka jaka mane Blei kaba don hapoh jong ka CBI Office ha Shillong, da kaba ong ba kadei ka jingma ia ka jinglong jingman jongka jingioh ban mane laitluid.
Ha ka kyrwoh ha ka sngi Balang u President ka Parishad u Satya Ranjan Borah ula ong, ba katei kan long ka nuksa kaba bakla bad ka iaid pyrshah ia ka hok katkum ka riti synshar ka ri.
Ula shim ba katei ka jingdawa ka long pyrshah bad kadei ruh kaba long pyrshah ia ka riti synshar ka ri bad kaba pyrshah ia ka ri bad ka bynrap ba kane ka jingleh ka lah ban wanrah ia ka jingbym shongsuk shongsain.
U Borah ula pynkynmaw ba ha u snem 2018 ha kaba iadei bad ka krem Mawjymbuin ha Mawsynram, haba ki bor kiba dei khmih jong ka Meghalaya kila pynthikna ia ka seng ban ai jingiada ia ka hok ban mane laitluid.
Ula kam ba kane ka jingjia kaba mynta kala pynkhihwin ia ka jingshaniah ia ka sorkar jylla ha ka jingbat skhem ha ka riti synshar ka ri bad ia ka hok ban mane.
“Ka India kadei ka ri kaba ioh ban mane laitluid bad man la ki nongshong shnong ki don ia ka hok ban mane katkum ka jingngeit ka jongki. Ngim dei ban kyrshan ia kum kitei ki jingleh kiban thaw ia ka jingiakynad ha ka imlang sahlang bad hapdeng ki jaidbynriew” ong u Borah.
Ka Parishad kala kyntu ia u Myntri Rangbah ka Jylla u Conrad K Sangma ban tuklar lem bad ban pynthikna ba ki paitbah ha kylleng ka jylla kin ioh ban mane laitluid ia ka niam khlem kano kano ka jingshah pynthud.
Ka Kutumba Surakshya Parishad kaba don ia ka ophis treikam na Guwahati, kala ong ba trei ha kiba bun tylli ki jylla ban kyntiew ia ka jingiatylli ha ka ri bad ban ia im lang baroh da ka jingsuk jingkmen.
