Nongpoh, Risaw 07: Ki Pulit ka Ri-Bhoi District hynnin ka step kila ioh kem ia arngut ki Nongkhaii droks bad ioh kurup ia bun bah u droks heroin.
Ia kine ki nongkhaii lah ioh kem ha ka jing pynap shrip hadien ka jingioh khubor ba arngut ki briew kin wan da kawei ka kali na Assam ban pynpoi droks sha Meghalaya.
Halor kane ka jingioh khubor, ki Pulit kila pynieng ia ki jaka talasi kali ha Byrnihat ban ioh bat ia kine ki briew bad kumjuh ruh ia ka kali.
Ki Pulit ki iathuh ba dei ha ka por 11:30 baje mynstep, ki Pulit kila ioh bat ia ka Maruti ba don u number AS 01Z 8255 bad ha ka jingkhynra, kila ioh ban kurup ia u droks heroin bala thep ha saw tylli ki synduk bad uba khia haduh 45.31gram.
Ia une u droks lah ioh kurup na kawei ka briew b kyrteng ka Bina Sarkar(45) ba na 14 Mile, Byrnihat Assam. Uwei pat uba shah kem lang u dei uba la tip kyrteng u Phrangsngi Nongshli ba 34 snem ba na Saiden, Nongpoh.
Ki Pulit kila kurup noh ia une u droks, artylli ki mobile phone bad ka kali ba kine ki arngut ki nongkhaii droks ki pyndonkam
Ki Pulit kila register case ia kine ki arngut ha Byrnihat hapoh ka kyndon jong ka ain NDPS. Ka jingtohkit mynta ka dang iaid shakhmat.
