Shillong, Naitung 14 : U Myntri Rangbah ka Jylla Conrad K Sangma ha ka sngi Ba-ar, ula shong bishar ia ka jingiaid ki jingtei jong ki project tei jingtei bapher bapher ha New Shillong Township, haba bthah ia ki agency ba pyntrei ia ki kam, ba ki dei ban trei bha ia ki kam, pynthikna ia ka jingshngain bad pynsted ia ki jingtrei khnang ban lah pyndep hapoh ka por kaba la buh.
Inspected the progress of the New Secretariat Complex at New Shillong today.
This state-of-the-art administrative hub will bring government departments under one roof, improving coordination, efficiency, and citizen-centric governance. We reviewed the pace of construction and… pic.twitter.com/C16InuDiek
— Conrad K Sangma (@SangmaConrad) July 14, 2026
Hapdeng ka jingsynshar ki Heh Ophisar ka Jylla, u Myntri Rangbah ula leit jurip ia ka jingtrei jong ka Secretariat Complex ba thymmai, ka Unity Mall, ka Sports Complex ha Umsawli bad kiwei ki kam kiba dang iaid ha New Shillong Township.
Haba bishar ia ka jingiaid ki jingtrei jong ka Secretariat Complex, u Conrad ula ong ba kane ka project kan wanrah lang ia baroh ki tnad Sorkar hapoh kawei ka tnum, pynkhlain ia ka jingiatreilang, jingtreikam bha bad ka synshar khadar kaba buh hakhmat ia ki nongshongshnong hadien ba kala treikam.
U Myntri Rangbah ula leit jurip ruh ia ka jingiaid ka jingtei jong ka Unity Mall, ka project ba kongsan kaba thmu ban ai ia ka rynsan ba kyrpang ia ki nongshna tiar kti ka Jylla, ki nongthain jain, ki nongsengkam, ki selh-help group, bad ki nongpynmih mar ka thain ba kin pyni nam bad pyniaid iew ia ki mar ba ki pynmih. Kane ka project la khmih lynti ba kan kyntiew ia ka jingseng karkhana ha Jylla, pynkhlain ia ka kam jngohkai bad thaw ia ki lad kamai kiba neh.
Haba shong bisahr ia ka Sports Complex ha Umsawli, u Myntri Rangbah ula ban biang ia ka jingkut jingmut jong ka Sorkar ban tei ia ka madan ialehkai kaba iaryngkat kyrdan bad ki madan ka pyrthei na ka bynta ki samla jong ka Jylla. Kane ka complex kan ai ia ki jaka kilan met kat kum ka juk bad ki tiar ialehkai, ka ban iarap saindur ia ka sap ialehkai bad ban pynlong ia ka Meghalaya kum ka jaka pdeng ki kam ialehkai ha ka thain.
La batai bniah ruh ha u Myntri Rangbah halor ka jingiaid ki kam jong kiwei pat ki project jingtei ha kylleng ka New Shillong Township. Ha ka jingialang bishar kam, ula bthah ia baroh ki agency kiba pyntrei ia ki project ba kin pynthikna ia ka jingiatreilang kaba iajan, pyrrkhing bha ia ka jingtrei bha ia ka kam, bad pynsted ia ka jingtrei haba bud ia ka por bala buh bad ki kyndon jingshngain.
Haba kren ha kane ka jingleit jurip, u Myntri Rangbah ula pynpaw ba ki project bala pyntrei ha New Shillong kila buh ia u mawnongrim ka lawei jong ka Meghalaya. Ula pynpaw ba ki jingkynshew ha ki Jaka treikam ka juk, ki jaka iew bad ki madan ialehkai kin ym tang ban pynbha ia ka synshar khadar bad jingshakri paidbah hynrei kin plier uh ia ka lad kamai, aikam aijam bad kyntiew ia ka rukom im jong ki paidbah ka Jylla.
Ka Sorkar Meghalaya ka iai jingkut jingmut ban pynthikna ia ka jingpyndep hapoh ka por ia kine ki project ki ban wanrah jingkylla khang ba ki nongshongshnong kin ioh ia ka jingmyntoi na ki kham kloi kat kaba lah.
The Government of Meghalaya remains committed to ensuring the timely completion of these transformative projects so that citizens can benefit from modern, efficient, and sustainable infrastructure at the earliest.
