-->

Assam | Kurup ka ED ia ki nongkynti ba T.5.54 klur ha ka jyrsieh Jeevan Suraksha skhim ha NE

Date:

Share post:

Guwahati, Naitung 10: Ka Directorate of Enforcement (ED) ka la kurup ïa ki jingdon jingem ba shongdor ₹5.54 klur kiba don jingiadei bad ka Jeevan Suraksha Group of Companies ha kaba ïadei bad ka jingkynnoh thok pisa da ki klur ia ki 6.88 lak ngut ki nongkynshew pisa ha kylleng ka thaiñ Northeast.

Ka Guwahati Zonal Office jong ka ED, ka la pynmih ia ka hukum kurup ia ki nongkynti ba shipor (provisional attachment order) katkum ka Prevention of Money Laundering Act (PMLA), ha kaba la kurup ia 22 tylli ki iing bad ki pisa ba sah ha ki bank kiba la don ha kylleng ka Assam, Meghalaya bad West Bengal.

Katkum ka ED, la kynnoh ba katei ka kynhun ka la pynïaid ïa ka skhim pynïaid pisa bad ka Ponzi lyngba ki 422 tylli ki shnad trei kam ha kylleng ki jylla jong ka thaiñ Shatei Lam Mihngi.

Ka agency ka la kynnoh ba katei ka kynhun ka la lum haduh ₹403.63 klur na ki nongkynshew pisa hynrei ka la siew biang tang kumba ₹132.72 klur, kaba la pynmih ïa ka jingïohnong kaba kot kumba ₹270.91 klur.

Ia kane ka jingtohkit la sdang halor ki ejahar bad ki Charge Sheet ba la mudui da ka CBI Anti-Corruption Branch ha Guwahati bad la tohkit ruh da ka CID ka Assam bad ka Serious Fraud Investigation Office (SFIO).

Ka ED kala ong ba ka jingtohkit ka la lap ba ia ka pisa jong ki nongkynshew pisa la pynkylla sha ki account shimet jong ki director jong ka kompeni bad kiba ha iing ha sem jong ki lyngba ka jingsei pisa, ki insurance policy, ki fixed deposit bad ka jingpynkylla hapdeng ki kompeni shwa ban thep pisa ha ki jaka ba la bat ha ka kyrteng jong ki kompeni, director, ki bahaiing hasem bad ki paralok.

Ka tnad ka la ong ba ka jingtohkit ka dang iaid shakhmat.

Share post:

-->
spot_img

Popular

More like this
Related

Wer ka Seng Khasi ia ki paidbah sha ka jingrakhe Seng Kut Snem kaba 127

Shillong, Naiwieng 20 : Ka Seng Khasi Kmie, Shillong...

Kyntait u CM ba pynbor ia ka railway project | Ka Sorkar kan iaid ryngkat ka mon u paidbah

Shillong, Naiwieng 20 : U Myntri Rangbah Conrad K...

SSA Champions Cup | Rung ka Shillong Lajong sha ka semifinal | Hap iakhun dohiap ban pynliem ia ka Mawkhar

Shillong, Naiwieng 20: Ka Shillong Lajong FC ka la...

Kob ka HYC ia u CM ban pynshisha ia ka jingkam siew tulop ba T.4.5 lak, dawa panmap na ki nonghikai

Shillong, Naiwieng 20: Ka Hynñiewtrep Youths’ Council (HYC) kala...