Kohima, Naitung 08: Ka Eastern Nagaland People’s Organisation (ENPO) ha ka sngi Balang kala pynkynriah noh ïa ka jingthmu ban pynlong ïa ka jingïalang paidbah bad ka pakhang shnong ha ka 10 tarik u Jylliew ha kylleng ki 6 tylli ki Eastern District hadien ba ka sorkar Nagaland kala pynbna ïa ka dorbar kyrpang jong ka Ïingdorbar Thawaiñ ban shim ïa ka mat jong ka Frontier Nagaland Territory (FNTA).
Ha ka kyrwoh khubor, ka apex body kala ong ba ka la rai ban pynjlan noh ia kane ka jingiakhih hadien ka jingkyrpad na ka Sorkar Jylla, u MP ka Rajya Sabha u S.Phangnon Konyak bad u Convenor ka ENLU. Kala pdiang sngewbha ruh ia ka jingpynbna jong ka sorkar ha ka 6 tarik u Naitung ban khot ia ka dorbar kyrpang jong ka iing dorbar halor ka jingdawa jong ka FNTA kaba la slem bha.
Ia kane ka jingialang paidbah ha ka 10 tarik u Naitung la khot ban pynbor ia ka jingthaw ia ka Frontier Nagaland Territory, ha kaba ka ENPO kala kynnoh ia ka jingpynslem ban pyntreikam ia ki jingkular kiba iadei bad ka jingsynshar laitluid ha ka sain pyrthei bad ka synshar khadar, ka roi ka par bad ki jingiada riti synshar na ka bynta ki hynriew tylli ki Eastern District—ka Mon, Tuensang, Longleng, Noklak, Kiphire bad Shamator.
Ka sorkar jylla ka la kyntu ïa ka ENPO ban weng noh ïa ka jingïakhih, da kaba ong, ba kane ka jingthmu ban thaw aiñ kan long kum ka lad ba shipor ban ai ïa ka jingsynshar kaba kham heh ha ka liang ka synshar khadar, ka pisa tyngka bad ka roi ka par sha ka thaiñ Mihngi jong ka Eastern Nagaland katba ka jingïakren bad ka sorkar kmie halor ka jingdawa saiñ hima sima kaba kham heh ka dang ïaid shakhmat.
U Myntri Rangbah ka jylla u Neiphiu Rio bad ki paralok ba rangbah jong ka kynhun myntri ki la kyntu ba ka jingkhang kan pynthut ïa ki jingshakri ba kongsan, ki eksamin jong ki samla pule bad ka jingtreikam ha ka liang ka ioh ka kot. Ka sorkar kala pynskhem ba ka jingthmu ban thaw ain FNTA kan ai ia ka ain na ka bynta ka jingsynshar ba la pyniaid da ki bor synshar hapoh ka rukom synshar jylla kaba la don lypa.
Ka rai ban pynsangeh ia ka jingiakhih ka wan kum ka jingpyntngen kaba khraw ia ka sorkar shwa ka dorbar kyrpang jong ka iing dorbar thawain.
Ka mat ha kaba iadei bad ka FNTA ka la paw ruh ha ki jingialang ba dang shen hapdeng u Myntri Rangbah u Rio, ki Symbud Myntri Rangbah ka Jylla u Y. Patton bad u T.R. Zeliang, bad u myntri kam pohiing ka sorkar pdeng u Amit Shah ha nongbah Delhi. Katba ka jingialang ka la pynmih ia ka jingkhmih lynti ia ka jingkiew, ym pat don kano kano ka jingpynbna kaba shai halor ka nongrim jong ka sorkar kmie.
Ka jingpyrkhat jong ka sain pyrthei mynta kala pynleit jingmut ha ka dorbar kyrpang jong ka iing dorbar, ha kaba la khmih lynti ba ka sorkar kan wanrah ia ki ain kiba batai ia ka jingthmu jong ka FNTA, kynthup ia ki kyndon na ka bynta ka dorbar synshar, ka jingsynshar hi ha ka liang ka pisa tyngka bad ka jingsynshar kaba kham khraw halor ki sobjek ba la kdew.
Hynrei ka ENPO ka la kren shai ba ia ka jingiakhih la shu pynkynriah, ym ban weng noh. Ka seng ka la ong ba ka Central Executive Council jong ka kan shong ha ka 6 tarik u Nailar ban bishar bniah ia ki jingjia bad ban rai ia ka rukom treikam jong ka ha ka lawei.
Kala ong ruh ba kan bishar bniah bha ia ka jingthmu jong ka FNTA Bill bad ka khmih lynti ia ka jingai bor kaba don jingmut ban ia kaba ka la batai kum ka jingpynbeit kaba “khlem bniat”. Ka ENPO kala maham ba lada katei ka aiñ kam lah ban pyndep ïa ki jingangnud jong ki paidbah jong ka Eastern Nagaland, lane lada ym don kano kano kaba skhem na ka sorkar kmie halor ka jingpynbeit thymmai ha ka saiñ hima sima kaba kham heh, lah ban pynim biang ïa ka jingïakhih.
 ha ka sngi Balang kala pynkynriah noh ïa ka jingthmu ban pynlong ïa ka jingïalang paidbah bad ka pakhang shnong ha ka 10 tarik u Jylliew ha kylleng ki 6 tylli ki Eastern District hadien ba ka sorkar Nagaland kala pynbna ïa ka dorbar kyrpang jong ka Ïingdorbar Thawaiñ ban shim ïa ka mat jong ka Frontier Nagaland Territory (FNTA).){kind=link}