SHILLONG, Risaw 06: Ki nonghikai kontrak hapoh ka shatri Meghalaya Lower Primary School Contractual Teachers Association (MGLPSCTA) hynne ka sngi kila ujor daka ejahar pyrshah iaki pulit kiba kawang da ki bom pynsat khmat.
Ia kane ka ejahar la aiti sha u Director General of Police (DGP) ka Jylla bad ka ejahar ka kynnoh ba ki pulit kila pyndonkam bakla iaka bor daka ba kawang bom pynsat khmat wat hapdeng ka jingdon lang ki khynnah bad ki longkmie ba armet.
Ka ejahar sha u DGP, ka batai ba kane jingiaid kjat na u Mot Kiang Nangbah shaduh sha khyrdop secretariat kadei kaba jaijai bad ka jingiaid kjat kadei thik tang ki nonghikai bad ki khun ki kti hynrei naka liang ki bor pulit kim burom satia iaki nonghikai khamtam ki longkmie ba armet lane iaki khynnah.
Ka ejahar ka kynnoh ba kane ka jingleh ki pulit ka pynkheiñ iaka jinglong briew namar kila thombor haka por ba don lang ki longkmie ba armet bad ki khynnah bad kane ka paw shai ba ki pulit ki don jingthmu ban shim iaka jingim.
Ki nonghikai kontrak kila dawa na u DGP ban khmih bad shimkhia ban leh eiei kane ka kam jong ki Pulit.
