Shillong, Naitung 02 : Ka Sorkar Jylla kala leit mudui sha Iingkashari Supreme Court ban pyndam noh ia ka jamin bala ai sha ka Sonam Raghuvanshi, kaba shah kynnoh hakhmat eh ha ka jingpyniap iala u kurim, u nongkhaii na Indore (L) Raja Raghuvanshi ha u snem 2025.
Haba mihkhmat ia ka Jylla, u Solicitor General Tushar Mehta ula iasaid ban bun kham kloi ia ka jingbishar halor kane ka kam. Ka Iingkashari kala kular ba ia kane ka kam yn sa shong bishar kham kloi kat kaba lah.
U Mehta ula pynsngew ba ka Iingkashari ba bishar ia kane ka kam, kala ai jamin ia ka Sonam tang namar ba ki bor Pulit kim shym la lah ban ai jingtip kaba paka halor ki daw ka jingkem ia ka.
Ula pyntip ha Iingkashari ba kane ka rai ka mih namar ka jingdon jingbakla ha ka jingthoh, haba kdew ia ki kyndon ain kiba don jingiadei, kaba u ong ba ki nongrim kim pat biang ban ai jamin.
Haba maham ia ki jingma kiba ap, u Mehta ula pynpaw ba u Sonam Raghuvanshi ka lah ban phet rieh lada ka dang don ha ka jamin bad ban jur ia ka jingtuklar mardor da ka Iingkashari.
 Raja Raghuvanshi ha u snem 2025.){kind=link}