Shillong, Jylliew 29: Ka Jaintia Students’ Union (JSU) kala kyntu ia ki nongshongshnong ka Elaka Nongkhlieh, kynthup ki paid Nongrep bad Trai jaka, ba kim dei pyndem ha ka jingtieng lane shah pyntieng hapdeng ki khubor ba byrngem byrsit ki “mafia’ ha ka thain.
U General Secretary ka JSU Neilkee Mukhim ula ong ba ia kane ka jingkyrpad la wanrah hadien ka jingialang bad ki nongshongshnong ka Elaka Nongkhlieh.
“Hadien ka jingialang bad ki nongshongshnong ka Elaka Nongkhlieh, kynthup ki nongrep bad trai jaka, ngi kwah ban kyrpad ia ki paidbah, khamtam ki nongshongshnong ka Daistong, ba kim dei ban pyndem ha ka jingtieng lane shah pyntieng” ong u Mukhim.
Ula pynpaw ba ka Union kala ioh ia ki jingtip ia kaei kaba long ba man mynta hapoh ka thain. “Ngi la ioh ia ki jingtip ba ki nongshongshnong ka Elaka Nongkhlieh ki im hapdeng ka jingtieng namar ki jing byrngem byrsit da ki katto katne ki mafia”ula ong.
U Mukhim ula bynta ba ka JSU bad ka Jaintia National Council kala kyrpad ia ki nongshongshnong ba kin iatylli kawei ha kaban iada iala ka jong ka hok.
Ula ai ruh ka jingkular ba ki artylli ki seng kin iai don ryngkat bad kyrshan ia ki.
Ka JSU kala kyntu ruh ia ki nongshongshnong ba kin pynphriang ia ki jingpynsngewthuh paidbah halor kane ka kam.
 kala kyntu ia ki nongshongshnong ka Elaka Nongkhlieh, kynthup ki paid Nongrep bad Trai jaka, ba kim dei pyndem ha ka jingtieng lane shah pyntieng hapdeng ki khubor ba byrngem byrsit ki “mafia’ ha ka thain.){kind=link}