Shillong, Jylliew 29 : Ki Pulit ka West Khasi Hills kila register case halor ka video kaba la saphriang ha ki social media-kaba pyni ia uwei u briew uba shoh tohmet ia ka thei samla ha surok Nongstoin By-pass.
Ha kane ka video, la iohi ia une u briew ula pyrshang ban ksih ia kane ka kynthei, thap bad iai thap ia ka bad kyrdem ruh ia ka na ka khlieh hapoh ka surok nalor ka jingbyrngem ban pynhap ia ka nalor ka jingkieng.
Kane ka jingjia kala pynbitar lep ia kiba bun ki briew ha ki social media.
Ki Pulit ki iathuh ba kim pat lah pynthikna ia ka sngi ne ka por ba jia kane ka jingjia hynrei ki ong “Ngi la register ia ka case halor kane ka video bala saphriang ha ki social media bad ka jingtohkit mynta kala iaid shakhmat”.
Ki Pulit kila dep ban ithuh ia kane ka lanot bad kumjuh ruh ia une u briew uba shoh tohmet.
“Ki Pulit ki dang pynlong ia ka jingtohkit ban lap ia ki daw tynrai halor kane ka jingjia bad ban kem ia une u briew uba shoh tohmet ia kane ka kynthei” ong ki Heh Pulit.
