Shillong, Jylliew 16: Ki don haduh 85 tylli ki mukotduma jong ka Khasi Hills Autonomous District Council (KHADC) kiba dang sahteng hapoh ka Iingkashari Meghalaya High Court, iathuh ka Executive Member (EM) ba khmih iaka tnat Legal Affairs ka KHADCKong Deity H Majaw.
Haba jubab ïa ka jingkylli bala wanrah daka MDC jong ka NPP na Nongshken Kong Grace Kharpuri ha ka sngi nyngkong jong ka dorbar lyiur ka KHADC, ka EM kala ong ba ki mukotduma ba sahkut ha Iingkashari Meghalaya High Court kidei naduh u snem 2022 haduh 2026.
Katkum ka jingiathuh ka EM, kine ki mukotduma ki kynthup 6 tylli mukotduma naduh u snem 2022, kawei ha u snem 2023, 4 tylli ha u snem 2024, 58 tylli ha u snem 2025, bad 16 tylli ki mukotduma ha u snem 2026.
Kine ki mukotduma ki kynthup jong ka tnat Service, ki kam ka khaii pateng bad ki jingiakajia kiba iadei bad ki Elaka.
Ka Kong Deity ka iathuh ba ha u snem 2023, la pynkut (dispose) haduh 30 tylli ki mukotduma.
Ka EM kala pyntip ruh ba ka District Council ka don- 1 Special Counsel, 3 ngut ki Standing Counsel, 1 Legal Assistant bad 1 Lawyer ban peit ïa ki mukotduma jong ka Council.
