Nagaland | Wat pynkylla ia ki kam bymman sha ka jingsngew iapher Jaidbynriew, ong ki Chang bad AO

Dimapur, Jylliew 15: Ka Chang Khulei Setshang (CKS) bad ka Ao Senden ha ka sngi Nyngkong ki la maham pyrshah ïa ki jingpyrshang ban pynlong politik ne pynman sngew pher jaitbynriew ïa ka jingkynnoh ba shah leh kynshlein kawei ka khynnah kynthei kaba dang rit ka rta ha Dimapur, haba maham ba kano kano ka jingpyrshang ban pynmih jingïakynad hapdeng ki jaitbynriew halor kane ka jingjia yn sa leh da kaba tyngeh.

Ha ka jingpynbna ba la pdiang da ka jingialang ha ophis jong ka CKS ha Tuensang, ki ar tylli ki seng riewlum ba ha khlieh duh ki la ong ba uno uno u briew ne ka kynhun ba lada lap ba u pyndonkam bakla ia kane ka case ban pynphriang ia ka jingshun, ki jingtip kiba bakla, ki jingkren pynjah burom ne ki jingsngew pher jong ka jaitbynriew kin mad ia ka jingpyrshah kaba jur.

Kine ki ar seng ki la ban jur ba kum kine ki jingleh ki lah ban pynmih ïa ki jingsngew jong ki paidbah, ban pynmih ïa ki jingïapher ka bym donkam bad ban pynia khlad ïa ka jingïadei paralok bad ka jingburom markylliang kaba la slem bha kaba la ïasam lang hapdeng ki jaitbynriew Chang bad Ao.

Da kaba pynrem jur ïa ka jingshah kynnoh ba la kren kynshlein da ki kyntien kiba khor, ki ar tylli ki kynhun ki la pynpaw ïa ka jingïatylli bad ka nonglait im bad ka longïing jong ka ban pynlong ïa ka jingtohkit kaba hok bad kaba stet.Ki la pynpaw ruh ka jingkyrmen ba baroh kiba la lap ba ki donkti kin ïoh ïa ka jingpynshitom katkum ka aiñ.

Ka CKS bad u Ao Senden ki la pynskhem shuh shuh ïa ka jingkular jong ki ban pynneh pynsah ïa ka jinglong kawei bad jingïatylli hapdeng ki jaitbynriew jong ki, da kaba ong ba ym dei ban ailad ïa kano kano ka jingjia kaba ban pynsniew ïa ka imlang sahlang jong ka Nagaland.

Da kaba pynskhem ba ka hok ka dei ban don khlem ka jingsngewpher jaitbynriew ne ka jingïapher jaitbynriew, ki ar tylli ki seng ki la rai ban bteng ban pynskhem ïa ka jingïadei kaba la rim bha hapdeng ki jaitbynriew Chang bad Ao katba ki dang pynthikna ba ïa ka case yn pynbeit ryntih lyngba ka aiñ.