Nongpoh, Jylliew 10 : U Bah Rocky Marwein, ula iehnoh kam kum u President ka Ri-Bhoi District Congress Committee bad kumjuh ruh jong ka Umsning Block Congress Committee.
Kane ka jingiehnoh kam kala wan jia ruh ha ka por ba ka jingpynkhreh ia ka elekshon shiteng samoi jong ka Shillong Lok Sabha ka dang iaid shaid shaid.
U Bah Rocky ula aiti ia ka shithi iehnohkam ha ka sngi Balang sha u President ka Meghalaya Pradesh Congress Commttee (MPCC), kaba pynkut ia ka jinglong President ka Ri-Bhoi District Congress Committee, President ka Umsning Block Congress Committee bad kum u Primary member ka Meghalaya Pradesh Congress Committee.
Kat kum ka kyrwoh, u Bah Rocky um shym la kynthoh ne pynpaw ia ka jingdon eiei pyrshah ia ka Congress bad ula kyrpad ia ka party ba kan pdiang ia ka shithi iehnoh kam jong u bad ban pynlait noh ruh ia u na ki jingbynshet kam kiba aiti ha u baroh shikatta.
Lah ban kdew, u Bah Rocky Marwein u la iasoh sha ka party Congress ha u snem 2013 bad u la iakhun ruh ia ka eleksion MDC na kane ka party ha u snem 2019 bad 2025 hynrei um shem la jop satia.
