Shillong Jylliew 08: Ka kynhun tem Rock kaba pawnam ha ka pyrthei ka Guns N’ Roses kan wan ban pynshongshit ia ki riewieid jingrwai ha ka ri India ha u Naiwieng 2026 bad kane ka kynhun kan leit ban tem nyngkong eh ha Madan Nice ha Bengaluru ha ka 14 tarik u Naiwieng 2026 bad ha Madan Khanapara ha Guwahati ha ka 17 tarik u Naiwieng 2026.
Kane ka jingthmu wan ka GNR kadei kum shi bynta jongka jingleit tem ha kylleng ki ri jong ka dewbah Asia.
Ki jingrwai kiba paw jong ka Guns N’ Roses ki kynthup ia ka ‘Welcome to the Jungle’, ‘Paradise City’, ‘November Rain’s bad ka ‘Sweet Child O’ Mine’ bad kiwei kiwei ki jingrwai bad kine ki jingrwai kila lah ai mynsiem ia kiba bun ki nongthaw jingrwai bad ki lah ioh ruh ka jingithuh bad jingiaroh na kylleng ki Ri ka pyrthei halor ka jingpynlynguh ka jongki.
Ha kine ki tarik ban wan sha ri India kan buddien ia ka jingwan jongki ha u snem 2025 lyngba ka Europe, ka Middle East, Asia bad Latin America bad ka bteng pat ia ka jingiaid ba thymmai ha kaba ka lah pyllait ia artylli ki jingrwai thymmai ha ka album ba tang marwei kata – “Nothin” bad ka “Atlas”- kaba buh dak ia ka jingrwai thymmai jong ki naduh u 2023 da ka jingpynïabynta ha ki arbynta ka jinglah thaw jingmut jong ka kynhun,”Atlas” ban wanrah ia ka jingshit rhem bad ka jingjop katba ka “Nothin” pat ka pynleit jingmut ha ka jingput jingtem.
Ka Guns N’ Roses kan wan ban pynshongshit ia ki paitbah lyngba ka jingiarap bad jingkyrshan da ka BookMyShow kaban die ruh ia ki tiket sha ki paitbah.
Ki dkhot jong ka Nightrain Fan Club kin iohlad ban thied ia ki tiket ha ka por Pre-Sale naduh 5 baje janmiet ka Sngi Nyngkong, 8 tarik u bnai Jylliew, 2026 haduh 10 baje janmiet, 9 tarik u bnai Jylliew, 2026. Ki lah ban leit ha ka gunsnroses.com ban ioh ia ki jingtip kiba bniah.
Ka General On-Sale ia ki tiket kan sa iaid live ha ka por 11 baje mynstep ha ka sngi Baar ka 9 tarik u bnai Jylliew, 2026, tang hapoh ka BookMyShow.
U Naman Pugalia, u Chief Business Officer – Live Events, BookMyShow ula ong, “Katto katne ki kynhun tem bad rwai ki lah wanrah ka jingkylla ha ka histori jong ki jingrwai Rock kumba la leh da ka kynhun Guns N’ Roses bad ka jinghikai jongki ka iai bteng ban ai jinghikai ha ka jingwan shim bynta jong ki sha India ha u snem ba lah dep. Ngi da sngew kmen eh ban pdiang biang ia ki sa shisien na ka bynta wanrah ia kiei kiei ki ban pynsah kynmaw ha ngi ki nongkyrshan na India”.
“Kane ka jingwan biang jong ki sha India ka long kum ka jingwanrah ia ka jingim ba thymmai ha ka kolshor ba ka pyrthei ka tip. Hynrei ka Bengaluru ka buhthong bad ka kam ialade kum kata ka pdeng ne ka nongbah jong ka jingrwai Rock ha India, katba ka Guwahati pat ka pynshai ba kadei ma ka kaba bat ia ka kyrdan ba nyngkong ha ka jingdon ia ki briew kiba ieid ia ka rwai ka siaw bad ka put ka tem. Ngi sngew kmen shibun eh ban wanlam biang sa shisien ia kine ki nongrwai ba lah bna nam bad khmih lynti ba kin wan bun ki nongkyrshan bad ngim lah ap ban iohi ba ki nongkyrshan kin iohi biang ia ka jingwan pynshongshit biang ha kine ki artylli ki nongbah ban sakhi ia kine ki nongrwai jong ka Guns N’Roses” la pynpaw u Pugalia ha ka kyrwoh.
