Shillong, Jylliew 04: U Myntri Sorkar Pdeng u Jyotiraditya M Scindia hynne ka sngi ula wanrah 5 tylli ki buit treikam ba kongsan ban pynkylla iaka NESAC kum ka “Jaka wanrah jingkylla” naka bynta ka thain Shathei Lam Mihngi (North East) ka ban pynleit jingmut ha ka Space Tech, ka jinglah ban ialeh pyrshah ia ki jingpynjulor ki bor mariang bad ka jingbuh jingkhein ia ki khlaw ki btap.
Haba pyniaid iaka jingialang jong ka NESAC Society ha Shillong, u Scindia u la ong ba ka thong ka kynthup ia “ka jingkynthup hapoh ka map iaki shnong, ki jaka lang um, ki khlaw ki btap bad ki jaka puta, ka jingsdang iaka Space-Technology Startup ha ka thain shatei lammihngi, ka jingsdang iaka All-Hazard Disaster Resilience Digital Twin Platform, bad ka Northeast Green Wealth and Natural Capital Accounting framework”.
At the 13th NESAC meeting, reviewed how space technology is accelerating development across the Northeast.
In line with Hon’ble Home and Cooperation Minister and NESAC President Shri @AmitShah ji’s vision, outlined five missions:
🔹 High-resolution village resource mapping
🔹… pic.twitter.com/MSWUuLLq2y— Jyotiraditya M. Scindia (@JM_Scindia) June 4, 2026
U la kdew ba ka NESAC bad ka DoNER ki la ïatreilang la palat 26 snem mynta.
“Ka NESAC bad ka DoNER ki la ïasam ïa ka jingïadei kaba jan naduh ba la seng ïa ki. La sdang ia kane ka jingiadei katkum ka jingioh jngai bad hapoh ka jingïalam jong u Myntri Rangbahduh barim u Atal Bihari Vajpayee, baroh ar tylli ki tnat treikam ki la shakri ïa ki 8 tylli ki Jylla ka thaiñ Shatei Lammihngi khlem sangeh la palat 26 snem kum ki atiar jong ka roi ka par bad ka jingkylla,” ong u Scindia.
Naduh ka jingialang ba khatduh jong ka NESAC, la dep haduh 50 tylli ki projek bad 78 tylli ki dang iaid ka jingpyntreikam. “Ka jingpyndep ïa ki 50 tylli ki projek ka pyni ïa ka jingsdang ban lum jingtip daki kor computer (Digital) kaba kyrshan ïa ki jingangnud jong ka jingpynroi jong palat ki 4.5 klur ngut ki briew ha ka thaiñ,” u la ong.
Halor ka jinglah ban ïakhun pyrshah ïa ki jingjia shah pynjulor, u Scindia u la jer ïa “ki rukom pyntip ba bun jait, kum ki sienjam ban pynïasoh bad ki Network Telecom bad ban pynïar ïa ki tiar ban peit bniah ïa ki jingma na ka bynta ka jingtwa khyndew.
U la ban jur iaka jingpyndonkam ïa ki UAV na ka bynta ki kam, “Ki buit stad jong ki drone bad ka jingpyndonkam ïa ki UAV jong ka NESAC ban thaw ïa ki lad kamai bad ki lad pynroi ïa ki sap na ka bynta ki samla bad ki kynthei lyngba ka jingïatreilang bad ka jingthmu jong ka Namo Drone Didi.”
Haba ai khublei ïa ka bynta jong ka ISRO, u la ong: “Ka jingïashim bynta jong ka ISRO ka la ai bor thymmai ïa ki jingpyrshang jong ka NESAC.
Ki Missions kum ka Chandrayaan-3 bad Aditya-L1 ki pyni iaka jinglah ka India ban sei iaka bor Science kaba lam shaki jingjop bapher bapher haka kyrdan jong ka pyrthei.
“Kumba la thmu da u Myntri ka tnat kam Pohïing u Amit Shah, ngi dei ban shim ïa ka buit treikam kaba la pynkhreh na ka bynta ka lawei kaba pyndonkam ïa ka teknoloji ha ka suiñbneng (Space Technology), haka Geospatial Intelligence bad ka jingpynwandur thymmai ban pynkylla ïa ka jingsynshar, ban pynkhlain ïa ka jinglah ban ïakhun bad ban pynbha ïa ka jinglong jingman ha kylleng ka thaiñ Shatei Lammihngi,” ong u Scindia.
Ha kane ka jingialang la don lang u Myntri Rangbah ka Jylla Meghalaya u Conrad K Sangma, u MoS DoNER u Sukanta Majumdar, u Chairman ka ISRO u Dr. V Narayanan.
