Shillong, Jylliew 04 : Ka North Eastern Council (NEC) kala ithuh ia u siej bad u dieng agar kum ki nongpyntyllun ia ka jingkiew ka ioh ka kot ha ka thain, bad ki Ophisar kila pynpaw ba ka thain Shatei Lam Mihngi ka bat kumba 97% na ka jingdon ki dieng agar hapoh ri India bad ka umphniang ba pynmih na une u dieng u lah ban pynioh haduh T.10 lak ha ka shi kilo ha ki iew ka pyrthei.
Kane ka jingiakren kala mih ha ka jingialang hashuwa ka 73rd Plenary jong ka NEC ba long ha Shillong, ha kaba ki Heh Ophisar na ka Sorkar Pdeng bad baroh ki phra tylli ki Jylla ka thain Shatei Lam Mihngi kila iakren ia ki mat kam pynroi kiba hakhmat eh jong ka thain, ka jingpynbun iaki jingpynmih mar ba kyntiew ia ka ioh ka kot bad ki prokram ban kyntiew ia ki samla.
KI Ophisar kila pynpaw ba ka thain Shatei Lam Mihngi ka don ia kumba 96.6% ki dieng agar hapoh ka India, bad ka Assam marwei ka don jan 82% kaba la khein antad ban don haduh 114 million tylli ki dieng agar. Ka jingiakren kala pynpaw iaki kabu ban pynmih mar na une u dieng, ka jingshna umphniang, shalan bad ka sengkam sengjam ha kane ka kam.
Ka jingialang kala saindur ruh ia ka lynti iaid ban pynkhlain ia ka ioh ka kot lyngba u siej hapoh ka thain. La pynshlur ia ki Sorkar jylla ban pynthikna ba kumba 5% ka jingpyndonkam ia u siej ha ki project tei jingtei, haba tynrong ha ka North East Cane bad Bamboo Development Council (NECBDC) ban khmih ia ka jingbha ki mar bad pynioh ia ki iew.
Ki Heh Ophisar kila ong ba ka jingpynkhlain ban pynmih mar na ki siej bad diengagar ki lah ban aikam aijam, pynkhlain ia ka kamai kajih ha ki jaka nongkyndong bad kyntiew ia ka kyrdan ka thain Shatei Lam Mihngi ha ki Iew hapoh ka ri bad shabar ri.
Ha kane ka jingialang la iashimbynta da ki Chief Secretary, Secretary ka State Planning bad ki Heh Ophisar na ka Ministry of Development of North Eastern Region (DoNER) bad ka NEC.
Ka jingialang kala bishar ruh halor ka jinglah pyntreikam ia ka Ashtalakshmi Darshan-Youth Exchange Programme, kaba la jied ia 530 ngut ki samla pule na kylleng ka ri India ha ka wat kaba nyngkong.
U Secretary ka DonER Sanjay Jaju ula ban jur ia ka jingkut jingmut jong ka Sorkar Pdeng sha ka roi ka par kaba pura jong ka thain Shatei Lam Mihngi bad wer ia ka jingiatreilang kaba khlain hapdeng ki Jylla bad ki Agency ka Sorkar Pdeng ban lah pyntyllun sted ia ka jingkiew shakhmat ka thain.
 kala ithuh ia u siej bad u dieng agar kum ki nongpyntyllun ia ka jingkiew ka ioh ka kot ha ka thain, bad ki Ophisar kila pynpaw ba ka thain Shatei Lam Mihngi ka bat kumba 97% na ka jingdon ki dieng agar hapoh ri India bad ka umphniang ba pynmih na une u dieng u lah ban pynioh haduh T.10 lak ha ka shi kilo ha ki iew ka pyrthei.){kind=link}