Shillong, Jymmang 25 : Ka Sorkar Jylla kala bthah ba baroh ki taxi arshaka ki dei ban register bad shim licence na ka Ophis u District Transport Officer (DTO) hashuwa ban iaid kamai, lem kumta kan Sorkar kan leh da kaba tyngeh ia kito kiba kamai beain.
U Commissioner & Secretary ka Transport Sanjay Goyal ha ka sngi Nyngkong ula ong ba ka Tnad kala sdang ban iaid talasi ia ki kali arshaka kiba kamai beain.
“Ngi la sdang ia ka jingtalasi pyrshah ia ki bad ngi lah khang ia ki jaka ba ki kamai la slem bha bad watla katta, lada don napdeng jong ki, kiba kamai beain, Nga kyrpad ia ki paidbah ba kin wan shakhmat bad pyntip ia ngi, ai ba ki kompani kin pyndep ia abroh ki jingdonkam kat kum ka ain bad sa pyniaid kamai bad lada ngi shem ia kinokino kiba kamai beain, ngi la dep bthah da kaba shai ia ki DTO ba kin leh tyngeh kat kum ka ain” ula ong.
U iathuh ba ka Kynhun Myntri ka Sorkar Jylla kala dep mynjur ia ka Bike Aggregator Riles, nalor ka rule”shim wai ia ki thuk thuk’ lane “shim wai ia ki tazi’ na ka bynta ki nongjngohkai kiba kwah ban niah hi ia ki kali.
“Ngi la wanrah ia ki rule. Ki nongai wai thuk thuk kila don, ka kynhun Myntri kala ai jingmynjur ia ki” ong u Goyal.
Haba kdew ia ka jingduna ka jingtip, ula kyntu ia ki nongniah thuk thuk ba kin shim ia ka lynti jongka ain.
 hashuwa ban iaid kamai, lem kumta kan Sorkar kan leh da kaba tyngeh ia kito kiba kamai beain.){kind=link}