Shillong, Jymmang 25: U Myntri ka tnat PHE u Marcuise N Marak hynne ka sngi u la lum ia ka jingialang bishar kam halor ka jingpyntreikam iaka skhim Jal Jeevan Mission (JJM) bad ki skhim sam um ha Windermere Resort, Shillong, ha kaba u la plie paidbah ruh ia ka digital portal na ka bynta ban pynrung kyrteng ia ki contractor ba la shna da ka NIC.
Ka jingialang bishar kam ka kynthup ia ki projek ba kynthup iaka New Shillong Township, Williamnagar Phase 2, Greater Shillong bad Baghmara Water Supply Schemes nalor ki skhim haki thain nongkyndong jong ka jylla.
“La pynlong ïa ka jingïalang bishar kam halor ka jingpyntreikam bad ka jingïaid sted iaki skhim sam um bapher bapher ha kylleng ka Jylla Meghalaya” la ong u Marcuise.
Ha kane ka jingialang la don lang Commissioner & Secretary, Joint Secretary, Chief Engineers, Additional Chief Engineers bad ki heh ophisar ka tnat PHE.
Haka jingialang la bishar ia ka jingiaid ka jingpyntreikam iaki project hapoh ka skhim JJM bad ki Bill ban siew shaki Contractor.
U la bishar ruh ia ka jingiaid jong ka jingpyntreikam iaka skhim Jal Jeevan Mission bad ki jingsiew kiba dang sahteng kiba dang khmih naka Ministry ka Sorkar Pdeng bad ioh Sorkar Jylla da kaba pyndep ia ki kyndon ba la buh da ka Sorkar India ban pyllait pisa.
U Myntri u la pynpaw ia ka jingsngewhun haba iadei bad ka jingtreikam iaka skhim JJM.
“Haka jingïalang la bishar ruh ïa ka jingïaid lynti jong ka skhim Jal Jeevan Mission (JJM), bad la pynpaw ïa ka jingsngewhun ha kaba ïadei bad ki jingjop ba la ïoh bad ka jingpyndep ïa ki kyndon ba la buh da ka Sorkar India na ka bynta ban pyllait ïa ka pisa ba dang sah” la ong u Myntri.
La iakren ruh halor ka jingthaw ïa ka Shillong bad Tura Jal Board, ban pynkhlaiñ ïa ki jaka ban peit bad test ïa ka jinglong ka um, bad ka jingpyrshang ban pynkhlaiñ ïa ki Village and Water Sanitation Committees.
“Ki lad ban pynkhlain ia ka jingpeit bniah ia ka jinglong ka um bad ki jaka test ia ka um la bishar bniah, ryngkat bad “ki jingpyrshang ban pynkhlain ia ki Village and Water Sanitation Committees. Ka jingiatreilang bad ka tnat PWD bad ka that Forest bad ki lad ban iada ia ki tyllong um ha ka jingiatreilang bad ka tnat Soil” ula ong.
Ha kane ka jingialang, u Myntri u la pyllait paidbah ia ka online system kaba thymmai na ka bynta ki contractor.
“Nalor kata, nga la ïoh ban plie ïa ka digital portal na ka bynta ‘Ka jingaplai na ki Kontraktor na ka bynta ka jingpynrung kyrteng/pynthymmai hapoh ki kyrdan bapher bapher,’ ba la shna da ka NIC, kaba thmu ban kyntiew ïa ka jingtreikam, ka jingshai, bad ka jingsuk ha ka rukom pynrung kyrteng,” u la ong.
La don lang ruh Commissioner and Secretary ka tnat PHE, Chief Engineer, Joint Secretary PHE, ki Ophisar naduh Additional Chief Engineers, Superintending Engineers, Executive Engineers, Sub Divisional Officers bad ki nongmihkhmat naki PHE Divisions.
 bad ki skhim sam um ha Windermere Resort, Shillong, ha kaba u la plie paidbah ruh ia ka digital portal na ka bynta ban pynrung kyrteng ia ki contractor ba la shna da ka NIC.){kind=link}