Nongpoh, Jymmang 22 : U Deputy Commissioner ka Ri-Bhoi, la iathuh ba ula pyntip ba un sa pynbna noh ha kine ki sngi ban wan ia ka result thungkam jong ka District Selection Committee (DSC) kaba la sahteng la slem bha.
Ia kane ka pyntip da ka seng Ri-Bhoi Youth Federation (RBYF), kaba la leit iakynduh ia u Deputy Commissioner ha ka sngi Thohding ban aiti ia ka dorkhas kiba kdew ia ki mat jingdawa ka seng.
U Bah Spirit Hinge, Employment Secretary ka RBYF ula pyntip ba kawei na ki mat jingdawa ba hakhmat eh ka dei ka jingpynbna noh ia ka result thungkam ka DSC kaba la sahteng la slem bha nalor ka jingphaikhmat lem sha ki samla ka District na ka bynta ki kam ba thung contract bad kiwei kiwei ki kam.
U pyntip ba ka Seng ka dawa ruh ba dei ban pynbna shuti noh ia ka Ri-Bhoi Day, ha ka 4 tarik Jylliew, ka sngi kaba ka Ri-Bhoi kala ioh iala ka jong ka district ba pura.
“Ka jubab na u DC kala pynkmen ia ngi namar ula kular ban sa pynlait noh ia ka result ka DSC ha kine ki sngi ban wan” ula ong haba pyntip ba u DC ula kular ruh ban shimkhia halor ka jingthungkam contract ia ki samla na Ri-Bhoi.
U Bah Rishan Nongtri, Assistant Secretary ula iathuh ba u DC ula kular ruh ban shimkhia ban iakren bad ka Sorkar ha kaba iadei bad ka jingdawa ban pynbna shuti ia ka 4 tarik Jylliew kaba dei ka Ri-Bhoi Day.
 kaba la sahteng la slem bha.){kind=link}