Shillong, Jymmang 22: Ki heh ophisar ha ka sngi Tohdieng ki la iathuh ba ka Directorate of Revenue Intelligence (DRI) ka la ioh ban kurup kumba 60,000 kg u arecanuts kiba wan na shabar ri ha ki ar tylli ki jingkhynra ha ka thain shatei lam mihngi.
Ia kine ki jingioh ban kurup la leh da ka DRI’s Guwahati Zonal Unit ha Mizoram bad Assam hynnin ka sngi bad ha kaba sdang jong kane ka taiew. Ki don 5 ngut kiba la shah kem ha kaba iadei bad kitei ki case haduh mynta.
“Da kaba leh mar mar katkum ki jingtip na ki tnad syntiat, ka DRI ka la pynlong ïa ki jingkhynra ha Mizoram bad Assam kaba la pynlong ïa kine ki jingïoh kurup,” ong ka tnad.
Ha ka jingtohkit kaba nyngkong la lap ba ia ki areca nuts ba la tyrkhong la pynpoi tuh sha India na Myanmar lyngba ka khappud Myanmar-Mizoram. Ha kawei na ki jingkhynra la iarap ia u DRI da ka kynhun shipai 38th Battalion jong ka Assam Rifles.
Ki heh ophisar ki la ong ba “ka jingwan rung be-aiñ jong u arecanut na ka ri ba marjan ka wanrah ïa ka jingma kaba khraw ha ka liang ka ioh ka kot ïa ki nongrep hapoh ka ri bad ka pynthut ïa ka jingshngaiñ ha ka liang ka ioh ka kot ha ki thaiñ khappud.”
Ka DRI ka la pynjur ïa ka jingkhynra ha shi lynter ka khappud Indo-Myanmar ban khang lad ïa ka jingkhaii tuh ïa ki mar khaii beaiñ, kynthup ïa ki areca nuts, kiba ju wanrah bunsien ban lait na ka khajna.
 ka la ioh ban kurup kumba 60,000 kg u arecanuts kiba wan na shabar ri ha ki ar tylli ki jingkhynra ha ka thain shatei lam mihngi.){kind=link}