Shillong, Jymmang 22 : Ka Election Commission ka Ri India ha ka sngi Thohdieng, kala pynbna ia ka elekshon Rajya Sabha ha ki 24tylli ki Seat na ki 10 tylli ki Jylla, bad buh baka sngi thep vote bad jingniew vote kan long ha ka 18 tarik Jylliew.
Ia kane ka eleskhon la pynlong namar ba ka samoi treikam jong ki 24 ngut ki MP na ki Jylla, kan kut noh ha u bnai Jylliew-Naitung 2026.
Ka Commission ka ong ba ia ka jingpynbna na ka bynta ka elekshon yn sa pynmih ha ka 1 tarik Jylliew, kaban dei ruh ka sngi sdang jong ka jingiathep kyrteng.
Ki kyrtong ki lah ban thep kyrteng naduh ka 8 tarik Jylliew bad ka jingbishar kyrteng kan long ha ka sngi kaba bud (9 jylliew). Ka sngi ba khatduh ban weng kyrteng ka long 11 tarik Jylliew.
Ka jingiathep vote kan long hapdeng ka por 9 baje mynstep haduh 4 baje janmiet ha ka 18 tarik Jylliew bad ka jingniew ia ki vote kan sdang ha ka por 5 baje janmiet jong kane ka juh ka sngi.
