Shillong, Jymmang 15 : Ka Jaintia Students’ Union (JSU) bad ka Jaintia National Council (JNC) kila pynbna ba kin pynlong lang ia ka jingiakhih bad ban iatur paidbah sha Meghalaya Secretariat ha ka 18 tarik Jymmang, ban iakhih pyrshah ia ka jingthmu ka Meghalaya State Pollution Control Board (MSPCB) ban pynlong ia ka public heading na ka bynta ka project tih mawshun ka Shree Cement ha Lum Syrman.
Kine ki artylli ki Seng kila ong ba ki ieng ha syndak bad ki Nongshongshnong ka Daistong, Nongkhlieh Elaka, bad kynnoh ba ka kompani kala pynjari kyndon jubor ia ki nongshongshnong jong kane ka shnong ba kin pdiang ia ka public hearing halor ka project tih mawshun ha Lum Syrman, kaba long ha ka jaka bah eh kumba 217.394 hectare.
Ha ka kyrwoh, ka JSU bad JNC kila pynrem jur ia kaei kaba ki batai kum ka jingbym khein snep jong ka kompani ia ka burom, ka hok bad ka jingsngewkhia jong ki paidbah ka Nongkhlieh Elaka.
Kine ki kynhun kila kynnoh ruh ba “kane ka karkhana dewbilat ka don ia ka jingpyrkhat ba ki briew bad ki jaka ha East Jaintia Hill ki dei kiba shah khein kum ki jaka theh niut ha ki ba kin bret ia ki jaboh jabain khlem da pyrkhat lang ia ka bha ka miat, ka jingangnud bad ka jingmyntoi kaba hadien habud jong ki trai shnong”.
Ka JSU bad JNC kila pynrem jur ruh ia ka Sorkar MDA-2 halor ka jingkynnoh ba ialam bakla ia ki paidbah da kaba pyndonkam ia ka Environment Impact Assessment (EIA) bala pynkhreh haba pynshong nongrim na ki kyndon ha Gujarat ban pyntreikam pat ha Meghalaya”.
 bad ka Jaintia National Council (JNC) kila pynbna ba kin pynlong lang ia ka jingiakhih bad ban iatur paidbah sha Meghalaya Secretariat ha ka 18 tarik Jymmang, ban iakhih pyrshah ia ka jingthmu ka Meghalaya State Pollution Control Board (MSPCB) ban pynlong ia ka public heading na ka bynta ka project tih mawshun ka Shree Cement ha Lum Syrman.){kind=link}