Shillong, Jymmang 16 : Ka Iingkashari Meghalaya High Court ai jamin bym lah khanglad (default bail) jong u MDC barim ka GHADC Sofior Rahman, uba shah kem halor ki jingkular ba jia dang shen ha ri-lum Garo, haba kdew ba ki Pulit ki khlem aiti ia ka chargesheet hapoh ka 60 sngi kaba la buh hapoh ka kyndon 187 BNSS, 2023.
U Justice W Diengdoh, haba shah ia ka aplikeshon bah jamin, ula hukum ba u nongmudui u dei ban lait noh da ka bah jamn, haba shem ba “ïa ka kyndon aiñ halor ka jamin bym lah khanglad, ym dei ban shu leh klet.”
Ha ka jingbishar, u K Paul, nongaisaid ain jong u nongmudui, ula pynsngew ba ki “jingkynnoh bala kynnoh ba la leh da u nongmudui/nongshah kynnoh ki dei baroh ki jingpynsajia hapoh ka por ba ym duna ia ka 7 snem.
Ula iasaid ba “ka long kaba donkam ia u Investigating Officer ban aiti ia ka chargesheet jong u hadien ka jingtohkit hapoh ka 60 sngi kumba la kdew ha ka kyndon 187 BNSS, 2023, ia kane kajuh ym shym la leh, kumta la kyrpad ban pynlait noh ia u nongmudui/nongshah kynnoh da ka jamin bym lah ban khanglad”.
U nongiasaid ain ka Sorkar NG Shylla, kaba mihkhmat ia ka Jylla “ kala pdiang ba ia ka chargesheet ym pat aiti saia ha kane ka case hapoh ka 60 sngi, kaba la kut noh ha ka 14.05.2026”.
Hynrei, kala pyrshah ia kane ka jamin halor ka nongrim ba “ka jingkem ia u nongmudui/nongshah kynnoh haba iadei bad ka jingthut ka shongsuk shongsain ha ri-lum Garo ba don jingiadei bad ka elekshon District Council, kumta, lada pyllait hapoh ka jamin, ka lah ban long ba u nongmudui/nongshah kynnoh u lah ban thaw ia ki jingeh lane long ka jingma ia ka imlang sahlang”.
Ka Iingkashari kala mynjur ia kane ka jingpyrshah ka Jylla hynrei pynksan pat ba “haba sngap ia ki jingpynpaw haba iadei bad ka jingfile ia ka chargesheet, ka long kaba dei, ban ong ba ia kane kajuh ym shym la file hapoh ka por kaba dei” ka ain halor ka jamin bym lah khanglad, ka dei ban treikam.
Ka Iingkashari kala bthah ba u Rahman u dei ban lait noh da ka jamin ha ryngkat ka kyndon, kynthup ba “Um dei ban jah lane pynjulor ia ki sakhi lane ki nongai sakhi”, “wan sha Iingkashari haba khot ia u” bad “ba um dei ban mih shapoh u pud u sam ka Meghalaya, lait noh tang lada ioh jingbit na ka iingkashari ba dei khmih”.
Kala hukum ruh ban ai ia ka bond shimet ba T.50000 ha ryngkat bad artylli ki surety kaba la buh dor kat kum ka jingsngewhun jong ka Iingkashari ba tian bishar.
Ka hukum ka bynrap ‘La kren shai ruh, ba lada don kano kano ka jingpynkhein ia ki kyndon ka jamin, ki bor khmih ki lah ban ujor ban pynduh pyndam noh ia ka jamin”.
 jong u MDC barim ka GHADC Sofior Rahman, uba shah kem halor ki jingkular ba jia dang shen ha ri-lum Garo, haba kdew ba ki Pulit ki khlem aiti ia ka chargesheet hapoh ka 60 sngi kaba la buh hapoh ka kyndon 187 BNSS, 2023.){kind=link}