Iasoi soskular bad ka StaffFlex Resolutions LLP ban shong ha Shillong IT Park-II
Shillong, Jymmang 14 : Ka Meghalaya kala pynjur ia ka jingkyntur ban long kum kawei ka ki jaka pdeng ha ka jingpyndon kam ia ki kor technology bad ka jingsei ia ki buit treikam thymmai ha ka NASSCOM Industry Leaders’ Meet 2026, kaba long ha Shillong hynne ka sngi Palei.
Kane ka jingialang kala wanrah lang ia ki kompani IT kiba paw khmat bha, ki nongthaw policy, ki jaka ai jinghikai pynroi sap, bad ki nongialam jong ki kompani ban iapruid dak ia ka lynti iaid jong ka Jylla ha ka ioh ka kot lyngba ka kor digital.
Had a productive meeting with @nasscom and industry leaders to discuss opportunities for IT, technology, and AI-driven investments in Meghalaya. Deliberations also focused on the proposed Centre of Excellence at Shillong Tech Park and its potential to strengthen the State’s… pic.twitter.com/Y8fKK5S71a
— Conrad K Sangma (@SangmaConrad) May 14, 2026
Ka jingialang bala pyniaid da ka Department of Informtion Technology & Communication, ka Sorkar Jylla ha ryngkat ka jingiatreilang bad ka NASSCOM, kala pynleit jingmuteh ha ka jingpyniar ia ka jingshakri lyngba ka IT, ban pynkhlain ia ka rukom treikam ki Startup (ki kompani ba seng thymmai), bad ban thaw ia ki lad iohkam iohjam na ka bynta ki samla ka Jylla.
Ha kane ka sngi, la iasoi ruh ia ka soskular hapdeng ka StaffFlex Resolution LLP bad ka Meghalaya Technology Par Society ban aiwai ia ka jaka ha Shillong Technology Party-II, kaba pynlong ia ka StaffFlex kum ka kompani ba nyngkong eh ban shong ha kane ka jaka treikam.
Haba kren ha ka jingialang, u Myntri Rangbah Conrad K Sangma ula ong ba ka jingkiew jong ka IT sector ka Jylla ka dei u soh jong ka jingpyrshang kaba la slem bad kaba donkam ïa ka jingtrei kaba ïai bteng bad ka jingwanrah ïa ka rukom treikam kaba biang -kaba shimpor jan arphew snem.
“Nga la pyrshang ban tei ïa kane ka rukom treikam la bun bun snem. Ki kam ki dei kiba shim por. Kam long kumba baroh kiei kiei kin urlong tang shisien urlong , hynrei haba nga phai dien sha ka jingïaid lynti, mynta ka la iaid 18 snem naduh ba nga ïoh ïa ka kabu ban ïadon bynta bad kane ka sector ha ka por ba nga long Myntri IT ha u 2008” ula ong.
U Myntri Rangbah haba kdew ba ka jingkiew ha kane ka sector ka long kaba la sangeh ha kawei ka ppr hashuwa ba ka Sorkar kan pynleit jingmut biang ha u snem 2018 bad ong “Haba nga wan phai kum u Myntri Rangbah ha u 2018, ngi la sdang ban trei biang ha ka rukom kaba buh jingmut ban tei ïa ka IT sector bad ban pynkhlaiñ ïa ka rukom treikam” .
Ha kaba kren halor ka jingkyntur ka Jylla ïa ki jingtei kiba dang ïaid shakhmat, u Myntri Rangbah u la kdew ba ki jingpynlut kiba kongsan mynta kila paw ha madan. “Mynta, ngi sngewkmen ba ka IT Park ba ar ka la dep, bad kawei pat ka dang wan ha Tura. Naduh kaba sdang, nga don ka jingngeit ba ka technology, ne kano kano ka sector, kam long kaba lah ban shu peit tang na ka jingïoh jingmyntoi. Phi dei ban tei ïa ka rukom treikam na ka bynta ka karkhana ba kan im bad ban kiew. Kata ka long kaei kaba ngi pyrshang ban leh,” u la bynrap.
Ha kaba kren sha ki paralok na ki karkhana, ki jaka ai jinghikai, bad ki kynhun ba don bynta ha ka kam, u la ban jur ïa ka jingdonkam jong ka jingkitkhlieh lang ha ka jingtei ïa ka rukom treikam. “Baroh phi kiba don hangne mynta ka sngi, khamtam ki paralok ba ai jinghikai jong ngi na ka jylla, phi don ka bynta kaba kongsan shibun ban leh. Ka thong jong kane ka prokram ka long ban pynïasoh ïa phi baroh bad ban ïarap ïa phi ban sngewthuh ïa ki lad kiba dang mih ha ka ri bad ha ka pyrthei, bad kumno ka Meghalaya ka lah ban long shi bynta jong kata ka khana,” u la ong.
U Myntri Rangbah u la khot ruh ïa ki jingai jingmut bad ka jingïai bteng ka jingiakren na ki paralok. Ha kaba ban jur ïa ka rukom treikam kaba shong nia bad kaba pynmih ia u soh, u la ong, “Ka long kaba donkam ba ngin long kiba buh jingmut bad kiba shong nia ha kaei kaba ngi kwah ban pynurlong. Ngim kwah ban soi ïa ki MOU tang na ka bynta ka dur ne ka jingiashon dur, ha kaba bun ki soskular la iasoi hynrei ym shym la don jingmih eiei hadien. Ngam long u nongkyrshan ia kum kata.” U la bynrap shuh shuh ba ka jingbuh jingmut ka dei ban sah ha ki jingmih kiba don jingmut bad kiba neh.
Ha kajuh ka por, ïa ka jingïakren Round Table bad ki nongïalam na ki kompani BPM, IT, la pyniaid da u Myntri Rangbah Conrad K. Sangma, ha kaba ki nongmihkhmat na kylleng ka ri ki la sam ïa ki jingai jingmut kiba bniah halor ka jingpynkhlaiñ ïa ka ïoh ka kot lyngba ka kor digital ba dang mih thymmai bad ka startup jong ka Meghalaya.
Kiba bun ki nongkren ki la ban jur ïa ka jingdonkam ban shim ia ki jinghikai na ki rukom treikam kiba jop ha kiwei pat ki jylla, khamtam ha ka jingiatreikam kaba pynkiew sted ia ki startup, bad ki la tyrwa ba ka jingpynbeit ia ka rukom treikam kaba biang tam lane ka white paper ka lah ban ïarap ïa ka Meghalaya ban lah shim kloi ïa ki rukom treikam na kiwei. U Myntri Rangbah, ha kaba jubab, u la pdiang sngewbha ïa ka jingai jingmut ia ka lynti treikam kaba la pynbeit ryntih bad pyni ïa ka jinglong ba kloi ban ïatrei lang haka ban pynkhreh ia ki jingthoh kiba lah ban ialam ia ka kam ha kine ki khyndiat bnai ban wan.
Ha kane ka jingialang Round table la iashimbynta da ki nongmihkhmat na ki kompani ba paw ka pyrthei bad ka Ri bad ki nongiaam ka NASSCOM. Ki kompani kiba wan ki kynthup na Wipro, TaskUs, Alorica, Tech Mahindra, Infosys BPM, Achala Solutions, Concentrix, Shass Information & Quality Engineering Services, bad Luminous Infoways bad kiwei.
