Shillong, Jymmang 09: Ka Meghalaya State Legal Services Authority hynne ka sngi kala pynlong ïa ka National Lok Adalat ha Meghalaya High Court bad ha baroh ki district jong ka jylla, ha kaba la pynbeit ïa ki 183 tylli ki mukotduma ha kaba ka pisa baroh ka la kot sha ka T.1,34,86,214.
Ia ka Lok Adalat la pynlong hapoh ka jingpeit bad jingialam jong ka Chief Justice Revati Mohite Dere, High Court of Meghalaya bad ka Patron-in-Chief jong ka MSLSA, bad hapoh ka jingpeit jong u Justice HS Thangkhiew, Executive Chairman ka MSLSA, bad Justice W Diengdoh, Chairperson jong ka High Court Legal Services Committee.
Ia kane Lok Adalat la pynlong ia ka hapoh ka jingpeit jong ka National Legal Services Authority.
Katkum ka jingong u Member Secretary u Bah E Kharumnuid, baroh ki mukotduma kiba la shim ha kane ka Lok Adalat ki long 625 tylli. “Ha ka National Lok Adalat, ki don 242 tylli ki pre-Litigation Cases bad 383 tylli ki Case ba dang sahteng bala pynbeit” la ong ka MSLSA ha ka kyrwoh.
“Baroh ki mukotduma ba la shim ki long 625 tylli, na kine 183 tylli ki mukotduma la pynbeit ha ka ba ka pisa baroh ka kot T.1,34,86,214” la ong u Bah E Kharumnuid.
