Dibrugarh, Jymmang 8: Ha ka joint operation ne ka (jingkhynra lang), ki pulit ka Dibrugarh bad Tinsukia, ki la ioh ban kyndang ia kawei ka ktem khaii met briew bad la kem ia saw ngut kiba la kynnoh nongkhaii khyllai na Margherita bad Dibrugarh ha ka sngi Palei.
Kitei kiba la shah kem ki kynthup ia u Zakir Hussain (53 snem), u Shankar Chentanu (28 snem), u Samir Pal (37 snem) bad u Gopal Roy (31 snem).
Kat kum ki pulit, la kynnoh ba kine ki nongshah kynnoh ki thmu ban rah ïa uwei u rangbah ba 35 snem ka rta uba la tip kyrteng kum u Rajib Dey na Margherita ban die noh ïa u khyllai jong u hadien ba ki la pynngop da ki jingkular ban pynioh pisa bad ai kam.
Ki pulit ki la iathuh ba u Samir Pal bad u Gopal Roy ki dei kiba sah ha Dibrugarh katba u Zakir Hussain bad u Shankar Chentanu ki dei kiba sah ha ka thain Veneer Mill ha Margherita.
Ki tyllong khubor ki iathuh ba kane ka kam khaii beain ia ki dkhot met jong ki briew ka la trei kam ha kylleng ka jylla Assam.
Hadien ka jingujor ba la ujor da ki ba ha ïing jong u Rajib Dey, la sdang ïa ka jingkhynra hapoh ka jingialam u Deputy Superintendent of Police (SP) ka Tinsukia, u Faiz Ahmed.
Ki pulit ki la kem ia saw ngut ki nongshah kynnoh na ki jaka bapher bapher jong ka Dibrugarh bad Tinsukia.
Ha kajuh ka por, ki pulit ki la register ia ka case ha Margherita police station bad ka jingtohkit kaba bniah ka dang iaid shakhmat.
Mynta ki nongtohkit ki dang wad bniah la ki don ne em ki hospital, ki nongtrei ka koit ka khiah, ne ki doktor kiba don jingiadei bad katei ka kam beain kaba la kynnoh.
Ki tyllong khubor ki iathuh ba ka jingkhaii ia u khyllai ka la jur bha ha ki jaka rep slasha jong ka Upper Assam bad ki nongkhaii ia ki dkhot met ki shim kabu ia ki longiing kiba duk.
, ki pulit ka Dibrugarh bad Tinsukia, ki la ioh ban kyndang ia kawei ka ktem khaii met briew bad la kem ia saw ngut kiba la kynnoh nongkhaii khyllai na Margherita bad Dibrugarh ha ka sngi Palei.){kind=link}