Shillong, Jymmang 07 : Naduh ka samoi pule u snem 2026-27, ki samla pule kiba rung klas ha ka kyrdan Undergraduate hapoh ki college ka Sorkar ha Meghalaya, kin hap ban aplai online tang na ka Meghalaya Common Admission Portal (MCAP).
Kat kum ka jingpynbna (Notification) bala pynmih da u Commissioner & Secretary ka Tnad Pule Puthi Vijay Kumar Mantri ha ka sngi Balang, kala ong “U Lat ka Jylla u sngewbha ban pynmih ia ka jingpynbna ba , naduh ka samoi pule 2026-27, baroh ki jingpynrung klas ha ki college ka sorkar ha Jylla yn pynlong noh tang lyngba ka Meghalaya Common Admission Portal (MCAP)”.
“Baroh ki samla pule kila aplai rung klas ban pule undergraduate ha ki college Sorkar ki dei ban aplai tang lyngba ka MCAP, bad kan ym don kano kano ka jingpyniaid ia ka kam pynrung klas shabar jong kane ka portal” kala ong.
.){kind=link}