Nongstoin, Jymmang 03: Ha HYC Maweit circle ka la leit ujor ha u SDO ka PWD Road West Khasi Hills District Nongstoin, halor ka jingkynnoh pyntrei torti ia ki muri jong ka Surok ba 35 km na Maweit-Kulang-Nongjri.
U samla Shemphang Tyrsa President HYC Maweit circle ha ka kyrwoh khubor, u la ong ba ka katkum ka jinglap jong ka seng, ka jing pyntrei ia kitei ka muri ka long kaba torti bad ki khlem da shna bha ne ki khlem ai Cement (PCC) katkum ka Work Construction.
Ka rukom trei ka long kaba shu leh tang dep bad ka long beain ruh. Ka seng ka kyntu ia ka Ophis ban peit bniah bad lban eit jurip ne shna biang ia ka muri namar ki khlem shna kat kum ka plan.
Halor kane ka jingujor,ka ophis ka kular ban shimkhia ban phah shna biang ia kitei ki muri kiba la shna.
Kumjuh na ka liang ka seng ka kren shai ba kan nang iai buddien bad ban leit jurip ruh ia kitei ki muri man ka por ban peit rukom ia ki rukom pyntrei ym tang ia ki muri hynrei ka rukom shna ia kane ka surok shilynter.
