Shillong, Iaiong 29 : U President ka Meghalaya Pradesh Congress Committee (MPCC) Bah Vincent H Pala ha ka sngi Ba-ar, ula kyntait ia ki jingiakren ba kan don ka jingkylla ia ki nongialam hapoh ka Jylla haba pynpaw ba ka samoi treikam jong u kan kut haduh u 2028.
Haba kylli ia ka jinglah ban kylla nongialam bad u briew ban shimti, u bah Pala ula ong “Ka samoi trei kam jong nga kam pat kut satia. Ka samoi jong nga kan kut haduh u 2028. Hadien ba wan u 2028, khlem pep ngin sa jied ia kiwei…hadien ka elekshon Assembly”.
Ula pynpaw ba kano kano ka rai halor u President ba thymmai ka MPCC yn sa shim da ka jingiamyn jur lang. “Ka party kan sa shim rai” ula ong.
U Bah Pala ula ong ba ka Congress kam duna satia ia ki briew ban ialam ia ka party ha Meghalaya.
“Hooid, ngi don bun ki nongialam ha ka Congress. Ngi don ka Deborah Marak, ka nongialam bala rangbah bha, ngi don ruh ia u Saleng A Sangma uba dei u MP ka Tura, ngi don ia u Bah Manuel Badwar, Secretary ka PCC,bad ngi don ruh bun ki District President. Kumta, ngim don jingduna satia haba phai sha ki nongialam” ula ong.
Haba tynruh mano ban shimti bujli na u, une u President ka MPCC ula kyntait ban jer iano iano ruh.
 Bah Vincent H Pala ha ka sngi Ba-ar, ula kyntait ia ki jingiakren ba kan don ka jingkylla ia ki nongialam hapoh ka Jylla haba pynpaw ba ka samoi treikam jong u kan kut haduh u 2028.){kind=link}