Shillong, Iaiong 28 : Ka sngi kaba ar jong ka rynsan iakura ba la tip ia ka kum ka State Boxing Championship 2025-26, ka Meghalaya Boxing Association ba la kyrshan da ka tnat jong ka Directorate of Sports and Youth Affairs, ka la jam pat sha ka kyrdan iakhun kaba kham shalor, bad ia kane ka jingiakhun la pynlong ha Mawlai Mawroh.
Kane ka rynsan iakhun kaba saw sngi la pynlong na ka bynta ki khynnah Shynrang bad Kynthei kiba 15-16 snem ka rta bad ruh naka bynta kiba 17-118 snem ka rta.
Haba phai sha ka jingiakhun ki khynnah kynthei, kane ka rynsan iakhun ka la jam sha ka semifinals mynta ka sngi, hadien ba ka Jiasa B Marak ka North Garo Hills ka la lah ba kan pynliem noh ia ka Risalang Lawriniang ka Eastern West Khasi Hills ha ka kyrdan iakhun 44-46kg, katba haka kyrdan iakhun jong kiba 48-51kg, ka Ekyrpangmeki Sohiong ka la lah ba kan pynliem noh ia ka Nishamery Kurbah kiba baroh arngut ki dei napoh Ri-Bhoi District bad bynrap da ka jingjop jong ka Laweibaphyrnai Marwein pyrshah ia ka Khamkornaki.
Iawphniaw ha ka semifinal, hadien kane, ka . Sanphika Mynsong ka la lah ba kan pynliem noh ia ka Ibapynsuk Thabah (West Khasi Hills) ha ka kyrdan jingkhia kaba 54-57kg
Haba phai sha ka jingiakhun ki khynnah shynrang u Russell Fabian Nongkhlaw (Mawshbuit Boxing Club) bad u Banchanmiki Pyrtuh (Green Heart Boxing Club) ki la khur ia la ki nam jop ki jong ki ha ka semifinal ka kyrdan iakhun kaba 45-48kg, katba Nineseviersius Suchiang (WJH) bad u Kibanroi Syngkli (EWKH) kiu la khur ia ki nam jop ha ka kyrdan iakhun kaba 50-55kg bad u Marleki Suchiang (WJH) bad u Erickson Kahit (East Khasi Hills) ki la lah ba kin khur ia ki nam jop ha ka kyrdan iakhun kaba 55-60kg.
Haba phai sha ka kyrdan iakhun ka The junior boys’ category la sdang da ka jingiakhun kaba dei jong ka quaterfinal ha kaba u Arush Biswa (Noble Art Boxing Club), Eddieferson Wahlang (GHBC), Pyndapkupar Marwein (EWKH), Nambearo Sangma (West Garo Hills), Freedy Marngar (EKH), Ryan Lyngdoh (GHBC), Aaron T Sangma (WGH) bad Arkimanbha Rimen (EKH) ki la lah ba kin khur ia la ki nam jop ki jong ki ha ki kyrdan iakhun bapher bapher bapher.
