Shillong, Iaiong 27 : Ka Archery Association of Meghalaya ha ka 24 tarik ka la pynkup burom ia ki nong siat khnam ka jylla, kiba la wanrah ia ka nam bad ka burom ia ka jylla ha ka Khelo India NTPC Zonal Open Archery Championship 2026 kaba long ha Shillong bad ruh ha ka 1st Khelo India Tribal Games 2026 kaba long ha Raipur Chattisgarh.
Ka AAM kala pynkup burom ruh ia ki coaches bad ki nongiarap ne ki suppoting staff jong ka synjuk.
Ka jingpynkup burom ka long ia u Devraj Mohapatra uba la ioh ia ka takma Ksiar bad u Vivek Sunar ha ka takma Rnong ha ka Recurve Division ha ka Khelo India NTPC Zonal Open Archery Tournament kaba la long ha Shillong ha u bnai Rymphang 2026.
Kumjuh ruh ka la pynkup burom ia ka kynhun ialehkai ba la iakhun ha ka kyrdan jong ka Compound jong ki kynthei kiba la ioh ia ka takma Ksiar ba kynthup ia ka Stracy M Sangma, Nakibansharai Khonghat bad ka Kate Diamond Lyngdoh.
Nalor katta la pynkup burom lang ruh ia ka kynhun ki rang ialehkai hadien ba ki la ioh ia ka takma ksiar ha ka jingiakhun ka Compound kiba kynthup ia U Donkupar L Shadap, Banwanbor Marwein bad Phrangkupar Kharjahrin.
La bteng ia ka jingpynkup burom ia ki nong iasiat khnam jong ka kyrdan iakhun ka Recurve Division kiba la ioh ia ka takma Rnong ha ka Men’s Team kiba kynthup ia u Amebalaker Wanniang, Hypormi Wanniang bad u Manchieford Wanniang.
Ha kane ka janmiet,kum ka synjuk, ka AAM kam lah ban khlem da klet ia ki coaches bad ki nongiarap ne ki supprting staff da kaba ka la pynkup burom ia ki ruh kynthup naduh u Head Coach-cum-High Performance Director u Mim Bahadur Gurung, u Nand Kishore Compound Coach, u Renso Purty Compound Coach, u Jag Prasad Thapa Archery Coach, kong Bansaralin Dhar Archery Coach, u Gunin Changmai SAI Archery Coach, kong A. S. Mercy Archery Coach jong ka Khelo India Centre Sport Excellence, kong Nisha Sharma NLP Sports Physiology bad u Baianehlang Bareh Physiotherapy jong ka Archery.
Kiba iadonlang ha kane ka sngi ki kynthup ia u Bah John F Kharshiing Working President jong ka MSOA kum u kongsan , Bah Finely F Pariat General Secretary MSOA kum u symbud kongsan, Kong Matsiewdor War Nongbri Chief Advisor-cum- Chairperson jong ka Archery Association of Meghalaya, Bah Dipshon Ryntathiang Executive Member MSOA, u High Performance Director jong ka Khelo India Centre of Excellence Meghalaya, ki dkhot ka Archery Association of Meghalaya (AAM) ki coaches, supporting staff jong ka AAM, ki kmie kpa jong ki ki khynnah ialehkai bad kiwei kiwei.
