Shillong, Iaiong 27 : Ka Meghalaya Boxing Association (MBA) ha ka sngi Nyngkong, kala pynsdang ia ka State Boxing Championship 2025-26, ka ba la wan ban iashim bynta da ki khynnah ialehkai kiba dang sdang ban khie ban san kiba mihkhmat na ki klob bad ki district.
Ia kane ka lympung ialehkai la kyrshan da ka tnat jong ka Directorate of Sports and Youth Affairs, bad la pynlong ia ka ha madan ialehkai basketball jong ka Mawlai Mawroh Indoor Sports Hall.
Ha kane ka rynsan iakhun, la phiah ia ka jingiakhun ha ka kyrdan jong ka khynnah kynthei bad shynrang kiba 15-16 snem ne ba hap ha ka kyrdan junior bad kumjuh ha ka rta ialehkai kiba la sdang ban khie ban san kiba 17-18 snem ka rta kiba hap ha ka thup jong ka youth, ia kaba la nang phiah shuh shugh pat ia ka kat kum ka jingkhia ki nongialehkai kat kum ki kyndonka national bad international.
Ha kane ka kynti ki nongwan iashim bynta baroh kiba la wan ki long 105 ngut, na ki 8 tylli ki district bad kumjuh na ki kato katne ki boxing club.
Haba kyrtieng dien, ka boxing ka la paw bha ha ki bynta ka East Khasi Hills, hynrei suki pa suki lyngba ka jingtrei shitom ki dkhot ka MBA, kane ka jingialehkai la lah ban saphriang sha kiweiki district.
Ia kane ka lympung la plie da u Dy Director Sports & Youth Affairs bah Paia War Nongbri, ha ka jingiadonlang u General Secretary ka MSOA bah Finely L. Pariat, bah Ian Lyngdoh President ka Meghalaya Swimming Association, Rangbah Shnong ka Mawlai Mawroh, ki nongtrei na ka ophis u DSO EKHD bad kiwei kiwei.
 ha ka sngi Nyngkong, kala pynsdang ia ka State Boxing Championship 2025-26, ka ba la wan ban iashim bynta da ki khynnah ialehkai kiba dang sdang ban khie ban san kiba mihkhmat na ki klob bad ki district.){kind=link}