Shillong, Iaiong 18 : U Nongaiktien ba hakhlieh duh ka BJP Bah M Kharkrang ha ka sngi Thohdieng, ula kyntait ban pdiang ia ka jingkynnoh u President ka VPP ba pyniasnoh ia ka Taj Umiam Resort & Spa ha Umiam bad ki kam arwia, haba ong ba ym lah satia ban pyniadei ia ka Spa bad kum kine ki kam.
Haba kynthoh ia kijingkynnoh kiba mih hapdeng ka jingshah thngan ka GTF ba dawa ban pynduh pyndam ia ka project touriem ha dewlynnong Lumpongdeng, u Bah Kharkrang ula ong “Em, ngam mynjur ia kane ka rukom pyrkhat, bun ki jaka ki don iaki Spa bad kiwei kiwei, kam mut pat ba kin kylla long ki ktem kam awria”.
“Ha ka jingshisha, hangne ngi don bun ki briew kiba ju pynkhem briew bad kiwei kiwei. Hato ki ruh ki don bynta ha ki kam awria. Em” ula bynrap.
