Shillong, Iaiong 09 : Ka jingshna ia ka dam na ka bynta ka New Shillong Water Supply Scheme kan sa dep hapoh u snem ban wan (2027).
Haba pyntip ia kane ha ka sngi palei, u Myntri ka Tnad Public Health Engineering (PHE) Marcuise N Marak ula ong “Nga la leit ban peit dala ki khmat ia ka dam, ka jingpyntrei kala iaid baroh 24 kynta shisngi bad ngi kyrmen ban pyndep noh ia ka dam hapoh u snem ban wan”.
U bynrap ba kiwei ki bynta jong ka project ruh kila iaid shaid shaid bha.
U Myntri ula pynpaw ba ka kam thied jaka ka dei kaba pynslem ia ka project hynrei baroh kine kiei kiei, lah dep ban pynbeit mynta, kaba ailad ia ka jingpyntrei ia ki kam ba kin iaid shaid shaid.
Halor ka Tura Water Supply Scheme, u Marcuise ula iathuh ba ka jingpyrshah ban shna ia ka dam baroh shikatta ka dei ka kam kaba lah dep ban iapynbeit mynta, bad shen ka jingpyntrei ia ka dam kan sa iaid noh.
.){kind=link}