Shillong, Nailar 11 : U President ka UDP Bah Metbah Lyngdoh ha ka sngi Ba-ar, ula kyntait ia ka jingkynnoh u President ka Meghalaya Pradesh Congress Committee (MPCC) Bah Vincent H Pala ba ka Sorkar MDA kan sa kyrshan ia ka amendment jong ka Foreign Contribution Regulation Act (FCRA) ha Parliament.
Haba kynthoh ia ka jingkren u Bah Pala ba pynlong sohpdung ia u MP ka NPP James K Sangma, u Bah Metbah ula ong ba ki nongialam ka Jylla kila dep pynpaw ia ki jingsngewkhia hakhmat u Myntri kam Pohiing Amit Shah.
“Ngam tharai. U Myntri Rangbah dalade ula iakynduh ia u Amit Shah. Ha ryngkat kiwei ki nongialam ka Jylla, ula ialam ia ka kynhun bad pyntip ia u Myntri kam Pohiing ia kiei kiei kiba donkam haba iadei bad ka amendment bill” ula ong.
Haba kylli la ka UDP kan kyntu ban khot ia ka jingialang ka MDA ban shimlang ia kajuh ka nongrim pyrshah ia ka Bill, u Bah Metbah ula ong ba kane kam donkam satia.
 Bah Vincent H Pala ba ka Sorkar MDA kan sa kyrshan ia ka amendment jong ka Foreign Contribution Regulation Act (FCRA) ha Parliament.){kind=link}