Shillong, Iaiong 08 : Iwei I Khunlung shynrang ila shah ieh ha ka kmie ha khyrdop ka Out Patient Department ka Ganesh Das Hospital, Lawmali, Shillong ha ka 23 tarik Lber, ha ka por 8:25 baje mynmiet.
Ia kane la pyntip lyngba ka kyrwoh bala pynlait da ka District Child Protection Unit, East Khasi Hills ha ka sngi Balang.
La pyntip ba ine I Khunlung I don mynta hapdeng ka jingri jingsumar jong ka Lawei Baphyrnai Specialised Adoption Agency, Shillong.
Ka District Child Protection Officer kala kyntu ia kino kino ki briew ne bahaiing hasem kiba don jingtip shaphang ine I Khunlung ba kin iakynduh ne kren ia ki bor ba dei khmih hapoh ka 60 sngi na ka sngi ba pynmih ia ka jingpynbna lem kumta un khein ia ine I khunlung kum iba lah ban ting kat kum ka ain bad ki lynti kiba dei.
Ia kino kino ki jingtip ne jingka, ki paidbah ki lah ban phone sha ka Ophis ka District Child Protection Unit, East Khasi Hills, Shillong ha u nombor 0364-7962188, ka Office jong ka Child Welfare Committee, East Khasi Hills, Shillong ha u nombor 0364-7962188, lane Lawei Baphyrnai Specialised Adoption Agency, Lumsohphoh, East Khasi Hills, Shillong ha u nombor 9612168593.
