Shillong, Iaiong 07 : U Myntri ka tnad Pule Puthi Bah Lahkmen Rymbui ula ainam ia ka jinglehbha jong ki khynnah skul ha ka eksam Secondary School Leaving Certificate (SSLC) mynta u snem sha ka jingpyrshang jong ka Sorkar ban shimkhia hakhmat eh ia ka pule puthi.
“Ka result hi ka kren dalade, da tang 6000 ngut kiba khlem pass na ka jingdon baroh kiba iakhun ia ka eksam” ula ong haba iakren bad ki nongthoh khubor ha ka sngi Ba-ar.
U Bah Rymbui ula kyntu ia ki khynnah skul ba khlem pass ba kin shim kabu ia ka eksam SSLC Supplementary ban wan, ka ban long ha u bnai Jymmang.
“Ka don beit ka lad kaba ar…Nga kyrmen ba kito kiba khlem pass ba kin shim ia kane ka lad” ula ong.
Ula pynpaw ia ka jingdon bun jait ki skul bad ki khynnah kiba pass bha, kynthup kito kiba wan na ki jaka nongkyndong.
“Kane hi ka kren halor ka jingpyrshang jong ki skul bad ka Sorkar ban pynbha ia ka pule dangle” ong u Bah Rymbui haba ainam ia ki sienjam bala shim da ka Sorkar, kynthup ka jingwanrah ia ki help book.
U Bah Rymbui ula ong “Naduh u snem 2018, ngi la shimkhia hakhmat eh ia ka kam pule puthi, pynbeit ia ki jingeh bad pynkylla ia ka rukom treikam na ka bynta ka bit ka biang ki khynnah skul” ula ong haba bynrap “Ngin iai bteng ban pyn beit iaki jingduna, bad pynthikna ba ki khynnah skul jong ngi, kin ioh ia kaba bha tam”.
 mynta u snem sha ka jingpyrshang jong ka Sorkar ban shimkhia hakhmat eh ia ka pule puthi.){kind=link}