Shillong, Iaiong 07 : U Wangaal Lama jong ka Gorkha Pathshala Higher Secondary School, uba ioh ia ka kyrdan ba hakhlieh duh ha ka eksam Secondary School Leaving Certificate (SSLC), ula pynpaw ia ka jingsngewnguh da kaba ong “Ka result kam da sngewpher ia nga namar kaei kaba nga la leh, nga la aiti lut naduh ka mynsiem. Ngam don jingsngewsih”.
U Lama ula iathuh ia ka jingsngew kyndit bad jingkmen haba ong “Haba nga ioh ia ka, nga sngew kum ha ka jingphohsiew….nga khuslai bha, ngam shym la peit wat ia ka result”.
Ula pynkynmaw ba ynda poi ha skul ula iohi ia ka jingkhynwin da kaba ong “Ynda kila iathuh ia nga halor ka result jong nga, ngam lah satia ban ngeit. Nga la kmen palat”.
Halor kane ka jingjop, u Lama ula ban jur ia ka jingngeit halade bad ka jingtrei shitom.
“Phim dei ban don ka jingsngew ba phi kham poh ban ia kiwei….kaba nyngkong eh ka long ba phi dei ban don ka jingngeit halade” ula ai jingmut.
U Lama ula kyntu ia ki paralok ban long trai iala ka sap bad don ia ka jingshemphang ha ka jingim. “Wat long ki niang bam kot, phi dei ban don ia ka jingshemphang ha ka jingim. Dei ban don ia ki jingtip kaba jylliew halor ki mat bapher bapher bad haba phi thoh, thoh ia kaei kaba don ha ka dohnud jong phi” ula ong.
Halor ka lawei ka bym pat shym rai, u Lama ula ong “U Blei un sa iarap ia nga ban shem ia ka jingthmu jong nga ha ka jingim…..Wat pyrkhat ia nga kum u topper…Nga shu pule.. Nga tip ba da ki hajar ngut ki khmih lynti ia kane hynrei donbok nga wan hakhlieh duh”.
, ula pynpaw ia ka jingsngewnguh da kaba ong “Ka result kam da sngewpher ia nga namar kaei kaba nga la leh, nga la aiti lut naduh ka mynsiem. Ngam don jingsngewsih”.){kind=link}