Elekshon Assam | Ka BJP kan ioh 9 na ka 11 seat ha ka thain Barak Valley, ong u Himanta

Guwahati, Iaiong 3: U Myntri Rangbah ka jylla Assam Himanta Biswa Sarma u la kop ba ka BJP ha ka thain Barak Valley kan ioh “9 haduh 11′ seat na katei ka thain ha ka elekshon sha ka iing dorbar thawain ka jylla ban wan.

Haba kren sha ki lad pathai khubor, u Sarma u la pynpaw ia ka jingsngewskhem ha ka Hailakandi, da kaba pynpaw ba ka BJP kan long “100 percent thikna” ba kan jop ia katei ka konstitwensi. Halor ka Algapur, u Myntri Rangbah u la kdew ba ka don ka “jingput turoi” kaba jur bha hapdeng ki paidbah, hynrei u la pynskhem ba ka jingmih na ka elekshon ha kaba kut kan pynpaw ïa ka jingtreikam jong ka seng ha madan.

Haba wan hiar jur sha ka Liang Pyrshah, u Sarma u la buh jingkylli ïa ka jingjur jong ka jingïalap jong ki, da kaba kdew sha ki nongïalam kum u Gaurav Gogoi bad kylli katno tylli ki jingïalang paidbah ki la pynlong. U la ong ba ka BJP ka kiar na ka “jingput turoi da lade ia lade” bad ha ka jaka kata ka pynleit jingmut ha kaba pynlong kham bun ki jingialang bad ban iakynduh beit bad ki nongthep vote.

“Ka masi ka dei ka mrad ba kyntang jong ngi.Hynrei kawei na ki ka ong ha ki rynsan social media ba kaei ka ban jia lada phi bam masi.Ka dei ka kam runar ban bam doh masi ha ka jaka paidbah da kaba pynmong ia ka jingsngew jong kiwei pat ki niam.Ha Assam ngi don ia ka ain ban pynneh pynsah ia ki masi bad lada don kiba leh ia kata, kin shah phah phatok,” la ong u Sarma.

U Sarma u la ong,”Ka masi ka dei ka kmie jong ngi, hynrei uwei na ki leftist ne u wei u nongkyrshan ka liang pyrshah ha ka facebook u ong kaei ka ban jia lada phi bam doh masi.Ngi don ka jingpyrshah kaba jur halor kane.Ka jingngeit niam bad ka kolshor jong ngi ka iadei bad ka masi”.

“Ia ka kmie jong u Kunki Chowdhury la iohi ha ka jingthoh ha ka social media ba ka bam ia ka doh masi.Ngi pyrshah ia ki briew kiba ngeit ha ka jingngeit Islam ba kim dei ban bam ia ka doh masi bad ki ia mynjur bad nga bad ki la sdang ban bam ia ka doh muid,” la ong u Sarma.

U la ong,”Nga kyrpad ia ki paidbah ban ai FIR pyrshah ia ka kmie jong u Kunki Chowdhury namar ha khmat ki paidbah kam lah ban pyni ia ka jingbam doh masi namar ba ka ain Cattle preservation Act ka don hangta ha Assam bad lai snem ha phatok yn hap shon lada pynkhein ia katei ka ain,”.