Shillong, Lber 30 : Ka Nangrimingin Achik Dol (NAD) kala pynrem jur ia ki jingkynnoh thombor bad pyni bor jong ki nong Bangladesh kiba wan rung tuh ha ri-lum Garo bad dawa ba dei ban beh krad mardor, pyrrkhing ia ka rung ka mih ha khappud bad ban tohkit ka NIA ia ka jingkulmar ba dang shen.
“Ngi dawa ia ka jingtohkit kaba bniah bad bym shah liang halor ki kam bymman jong ki nong Bangladesh ba rung tih bad ka jingdon bynta jong ki ha kaban pynshit ia ka jingkynad pher jaidbynriew, ban beh krad syndon ia baroh ki nongbuhai shnong beain kiba shong bas ah ha ki jaka ki riewlum ha ri-lum Garo, kaba la ioh hukum na ka GHADC, pynkhlain ia ka jingpahara ha khappud bad ban pyntreikam pyrrkhing bha ia ki ain kiba khang ia ka jingrung tuh nalor ban iada ia ka hok ki riewlum trai ri trai muluk hapoh ka Sixth Schedule” ong u nongaiktien ka NAD Francis Marak haba iakren bad ki nongthoh khubor ha ka sngi Nyngkong.
Ka NAD ka ong ba ka jingpyniap ia u Dilseng M Sangma, ka POCSO case bad ka jingkynnoh leh beijot kynhun ha Chibinang ki dei ki nuksa ba donkam ban tohkit da ka NIA bad ka dawa ban tohkit ia ki mosque, ki jingtih par ha North West bad South West Garo Hills bad ban siew bai lutksan sha ki bahaiing hasem u Sangma.
“Ngi dawa ia ka jingtohkit NIA halor ka jingpyniap ia u Dilseng M Sangma bad ka POCSO Case bala leh da ki nong Bangladesh ha Chibinang bad ka jingleh beijot kynhun ha ka thain Chibinang ha kaba kawei ka kynthei kala sah leh beijot ha ki 5 ngut ki nong Bangladesh ba wan rung tuh, kiba la thombor ia ka baroh shimiet bad ha ka step ba bud, la pyniaid lyngkhuid ia ka ha Iew. Ka jingtohkit ka NIA ka donkam ruh ia baroh ki mosque ha ri-lum Garo, ban khang ia ka jingtih par maw beain ha NWGH bad SWGH bad ban pyntreikam ia ka NGT” ong u Marak haba dawa ba dei ban sdien phasi ia ki briew kiba pyniap ia u Dilseng.
“Ngi dawa ia ka Sorkar Jylla, ka Sorkar Pdeng, bad baroh ki borkhmih ba don bynta ba kin shimkhia bad ban bat ia ka hok, nalor ban pynthikna ba ym dei ban iapein ia ka hok bad ka burom jong ki jaidbynriew trai muluk” ula bynrap.
 kala pynrem jur ia ki jingkynnoh thombor bad pyni bor jong ki nong Bangladesh kiba wan rung tuh ha ri-lum Garo bad dawa ba dei ban beh krad mardor, pyrrkhing ia ka rung ka mih ha khappud bad ban tohkit ka NIA ia ka jingkulmar ba dang shen.){kind=link}