Shillong, Lber 26: Ka Hills State People’s Democratic Party (HSPDP) kan dang ban shim ia ka rai ban iashim bynta haka elekshon MP shiteng samoi ka Lok Sabha na Shillong Parliamentary Seat ka ban wan.
Ia kane la pyntip da u nongialam ka HSPDP uba dei ruh u Myntri Sorkar Bah Methodius Dkhar.
Haba kren sha ki lad pathai khubor u Bah Methodious ula ong, “Kum ka party ngim pat iashong bad iakren ia kane ka kam. Ngan sa lah ban iathuh tang ynda ngi la shong jingialang bad iakren hapoh ka party, nangta ngan sa lah ban iathuh ia phi ia ka jingmut jong ngi la ngin iakhun ne em ia ka elekshon shiteng samoi”.
Ia ka elekshon MP Lok Sabha shiteng samoi na Shillong Parliamentary Seat yn pynlong namar ka jingkhlad noh jong u MP ka VPP u Dr Ricky AJ Syngkon ha ka 19 tarik Rymphang 2026.
U Bah Methodious u la ban jur ba haduh mynta ka party kam pat khot ia ka jingialang ban ia kren halor kane ka kam.
“Ngan nym lah ban kren eiei halor kane hynrei shen ngin sa shong jingialang bad ngin sa pyntip sha phi,” u la bynrap.
Haba pynbor ia u ban ai jingmut kum u riew shimet, u Bah Methodious u la pynskhem daka ba ong “Namar ba nga don ha ka Party, ngam dei ban iathuh ia ka jingmut shimet jong nga. Ngan kohnguh ia kaei kaba ka Party jong nga ka rai namar ka rai jong ka Party ka kham kongsan ban ia ka jingsngew shimet jong nga.”
 kan dang ban shim ia ka rai ban iashim bynta haka elekshon MP shiteng samoi ka Lok Sabha na Shillong Parliamentary Seat ka ban wan.){kind=link}