Kyrpad ban pynkylla noh ia ka para 12 (A)
Shillong, Lber 24 : Ka Garo Students’ Union (GSU) kala kyrpad ia u Lat ka Jylla CH Vijayashankar, ba un tuklar bad ai jingmynjur ha kaban pynlong kongsan ia ka syrnot Scheduled Tribe (ST) ha ka jingiashimbynta ha ka elekshon GHADC haba kyrpad ruh ban pynkylla ia ka para 12A jong ka Sixth Schedule ka Riti Synshar ka Ri.
Haba kren sha ki lad pathai khubor hadien ka jingialang ha ka sngi Ba-ar, u President ka GSU Tengsak G Momin ula ong “Ngi la iakynduh ia u Lat tang halor kawei ka mat “ Ban pynlong kongsan ia ka syrnot ST ha ka jingiathep vote bad iakhun ia ka elekshon GHADC”.
Ka GSU kala iakren ruh ia ka jingpynkylla noh ia ka Rule 128 da kaba pynrung ia ka ktien “Indigenous Scheduled Tribe of Garo Hills” bad ban pynkylla ia ka para 12A jong ka Sixth Schedule ka ban buh da u pud ia ka Sorkar Jylla ban batai shaphang ki rules ka District Council”.
Nalor kane ka shithi sha u Lat, u President ka GSU ula pynpaw ruh ba ka jingailad ia ki bar jylla ba kin thep vote ban iakhun ia ka elekshon GHADC ka dei kaba long pyrshah ia ka jingthmu jong ka Sixth Schedule ban iada ia ka jinglong kyrpang ki riewlum bad ka kolshor.
“Ngi la iakren ruh ia ka jingpynkylla noh ia ka Para 12 A jong ka Sixth Schedule ka Riti Synshar ka Ri, ka jingtyrwa kaba ngi la buddien la bun tylli ki jingialang bad ka KSU bad FKJGP. Ka Sorkar Jylla ka lah ban batai hala ka jingsngewbit ia ki rules ki district council lyngba kane ka paragraph, kaba pynbor ia ngi ban kyntu ia u Lat halor ka jinglah ban pynkylla noh ia ka” ula ong.
Haba kylli, u Momin ula pynpaw ba ka jubab na u Lat ka long kaba sngewtynnad haba iathuh b aula kren ruh halor ka Special Intensive Revision (SIR) bad ka jinglah ban pyntreikam ia ka hashuwa ka elekshon GHADC.
U Lat ula pyntip b aula iakren ia ki lynti ba lah ban leh ha kaban pynkylla ia ki rule pyniaid elekshon bad u Myntri Rangbah ka Jylla Conrad K Sangma, haba ban jur ia ka jingpynlongkongsan ia ki syrnot ST na ka bynta ki nongthep vote bad kyrpang ka GHADC.
 kala kyrpad ia u Lat ka Jylla CH Vijayashankar, ba un tuklar bad ai jingmynjur ha kaban pynlong kongsan ia ka syrnot Scheduled Tribe (ST) ha ka jingiashimbynta ha ka elekshon GHADC haba kyrpad ruh ban pynkylla ia ka para 12A jong ka Sixth Schedule ka Riti Synshar ka Ri.){kind=link}