Shillong, Lber 20: Ka Hynñiewtrep Integrated Territorial Organisation (HITO) ha ka sngi Thohdieng, ka la kyntu ïa ki bor ba dei khmih iaka tnat khlaw ban pynsangeh noh ïa ki jingai jingmynjur ïa ka Riangdo Veneer Pvt. Ltd da kaba kynnoh ba katei ka karkhana ka pyntreikam ia ki kor mashin Bandsaw bad ki mashin ot dieng khlem jingbit, ka pyllang iaki dieng khlem jingkhein bad ka pynsah ia 400–500 ngut ki nongtrei ha ki jaka bym shngain.
Ha ka jingujor sha u Chief Forest Officer, u President ka HITO Bah Donbok Dkhar u la ong ba ka seng kala leit jurip iaka karkhana ha ka 18 tarik Lber ban dawa thungkam iaki samla trai Jylla hynrei haka jingjurip, la lap ba kane ka karkhana kala pyndonkam bun tylli ki kor mashin kiba khlem ioh jingbit na ka Ophis ba dei khmih.
Ka HITO kala kynnoh baka karkhana ka don tang katto katne ki shithi hynrei kam don pat ki kot ki sla ba donkam naka MIDC ban pyntreikam iaka karkhana.
“Bun na kine ki nongtrei la ïathuh ba ki hap ban trei ym duna 12 kynta man ka sngi khlem ka jingsiew ne bai lutksan kaba tista kaba long beain katkum ka tnat Labour” la ong ka HITO daka ba ban jur iaka jingbym biang ka jaka theh nuit nalor kiwei kiwei de.
Ki dieng kiba la eksamin kim don dak ban pynthikna naei ki wanrah kaba wanrah ka jingkylli, kumno ka wankit iaki dieng bad hato la ioh jingbit ne em naka tnat khlaw.
Ka HITO ka la dawa ïa ka tnat ban sangeh pynthymmai iaka Licence daka ban jur iaka jing donkam ïa ki lad ki lynti kiba kham pyrkhing namar ka ktah ym tang ïa ka kamai kajih jong kiba bun ki briew hynrei wat ïa ka jinglong ba janai jong ki marpoh khyndew jong ka Jylla.
 ha ka sngi Thohdieng, ka la kyntu ïa ki bor ba dei khmih iaka tnat khlaw ban pynsangeh noh ïa ki jingai jingmynjur ïa ka Riangdo Veneer Pvt. Ltd da kaba kynnoh ba katei ka karkhana ka pyntreikam ia ki kor mashin Bandsaw bad ki mashin ot dieng khlem jingbit, ka pyllang iaki dieng khlem jingkheinn bad ka pynsah ia 400–500 ngut ki nongtrei ha ki jaka bym shngain.){kind=link}