Shillong, Risaw 29 : Arngut ki khynnah ialehkai Judo ka Meghalaya kila ioh khur takma ha ka 70th National School Games 2026-27, kaba la pynlong ha Thyagraj Sports Complex ha New Delhi naduh ka 23 haduh ka 28 tarik Risaw.
I heprit Marbashisha Kharkylliang ila ioh khur ia ka takma rupa katba I heprit Larika Kharkylliang ila ioh khur ia ka takma rnong ha ka u-14 boys and girls Judo Championship, kaba wanrah ia ka jingithuh ia ka Jylla ha ki jingiakop hapoh ka ri.
Ka Meghalaya Judo Association (MJA) kala ai khublei ia kine ki arngut ki heprit halor ka jinglah ban ialehkai bha jong ki, bad ong ba ka jingjop jong ki ka pyni ia ka discipline, ka jingaiti lut bad ki jingpyrshang ba khlem sangeh.
Ka Association kala ai khublei ruh ia u Coach Jonathan Lalrinsanga namar ka jingtbin lynti jong u. Kala ai khublei ia ki official, ki coach bad ki kmie kpa kiba la kyrshan ia kine ki khynnah ialehkai ha ka lynti iaid jong ki.
