Shillong, Lber 20 : U Symbud Myntri Rangbah ba khmih ia ka Tnad District Council Affairs (DCA) Bah Prestone Tynsong, ula ther tyngeh ia ka Working President ka Congress Deborah Marak ba tyrwa ban pynsangeh ia ka elskshon GHADC tang ha Shyamnagar bad Balachanda, bad ong ba ka INC ka pyni ba kam suidniew ia kaei kaba ki paidbah ka ri-lum Garo ki kwah.
“Hato ka Congress khamtam ha ri-lum Garo kam iohi ne sngewthuh ia ka jingkwah jong u paidbah-kane ka dei kaba nga kwah ban kylli” ong u Bah Prestone haba jubab ia ka jingkynthoh pyrshah ka Deborah ia ka jingpynjlan ka Sorkar ia ka samoi treikam ka GHADC sa hynriew bnai hadien ba mih ki jingkulmar halor ka jingioh iashimbynta ki bar jylla ha ka elekshon.
Ula kynthoh ba ki nongialam ka congress kila shu “wad daw ia ka rai bala shim da ka Sorkar Jylla” ha ka jaka ban leh eiei bad kaei kaba long ba man ha ka thain.
Ka Deborah kala iasaid ba ka elekshon ka dei ban iaid beit shakhmat ha ki 27 tylli ki constituency bad pynsangeh shipor tang ia ki artylli ki constituency kiba mih ki jingiakajia.
U Bah Prestone ula buh jingkylli ia ka jingmut. “Lada ki ong tang ar tylli ki constituency dei ban pynsangeh ia ka elekshon, ngam lah ban sngewthuh ha kano ka rukom ki mut….kum kine ki jingkren ki dei kiba la shu kren khlem ka jingkitkhlieh”.
Ula ban jur ba ka Sorkar kala leh ia ka kam “ban pynthikna bad ban lah leh eiei halor ka jingkwah jong u paidbah, ka jingsngew jong u paidbah” hadien ba mih ki jingkulmar.
Ka Sorkar kala pynkynriah ia ka elekshon GHADC bala buh ban pynlong ha ka 10 tarik Iaiong bad pynjlan ia ka samoi treikam tad haduh ka 18 tarik Risaw 2026, namar ka jingsngewkhia ia ka jinglong jingman ka suk ka sain.
Ka Congress kala dawa ban don ka jingialang jong baroh ki seng sain pyrthei bad ban pynlong beit noh ia ka elekshon ha kiwei pat ki constituency lait noh ka Shyamnagar bad Balachanda constituency, ki artylli ki constituency kiba mih ki jingiakynad halor ka jingiashimbynta ki bar jylla.
 Bah Prestone Tynsong, ula ther tyngeh ia ka Working President ka Congress Deborah Marak ba tyrwa ban pynsangeh ia ka elskshon GHADC tang ha Shyamnagar bad Balachanda, bad ong ba ka INC ka pyni ba kam suidniew ia kaei kaba ki paidbah ka ri-lum Garo ki kwah.){kind=link}