Shillong, Lber 11 : U Myntri Rangbah ka Jylla Conrad K Sangma ha ka sngi Balang, ula kyrpad ia ki nongshongshnong ka ri-lum Garo ban ialong jai jai noh bad khot ia ki seng sain pyrthei bad ki kynhun bapher bapher sha ka jingiakren ha ka ban pynbeit ia ka jingkulmar ha ri-lum Garo kaba mih na ka jingpyrshah ia ki bar Jylla ban iashimbynta ha ka elekshon Garo Hills Autonomous District Council (GHADC).
“Ha kum kane ka por, nga kyrpad ia baroh ki nongshongshnong ka Meghalaya khamtam na ri-lum Garo ba kin pynneh ia ka jingsuk bad ka shongsuk shongsain” thoh u Conrad ha X.
“Haba pynshong nongrim ia ka jinglong jingman ba mynga, ka Sorkar kala rai ban pynsangeh/pyn kynriah shuwa ia ka elekshon sha ka Iingdorbar GHADC” ula ong.
Ula ong ba ka jingialang bad baroh seng sain pyrthei lem bad ki kynhun bapher bapher, yn sa pynlong ban iakren bad wanrah ia ka lynti ban pynbeit ia kane ka kam.
“Ngin sa khot ia baroh ki seng sain pyrthei bad ki kynhun bapher bapher ban iakren ia ki mat bapher bapher bad ban pyrshang ban wanrah ia ka lynti iapynbeit” haba bynrap “Sa shisien nga kyrpad ia ki nongshongshnong ba kin iaduwai bad pynneh ia ka jingsuk”.
.){kind=link}