Shillong, Lber 5: U MLA ka seng United Democratic Party (UDP) Bah Paul Lyngdoh ula kyntait ban jubab ia ki jingkylli shaphang ka jingdawa bujli nongialam hapoh ka UDP bad ong kylla ia ki nongthoh khubor ba ka jingpynwan dur ia ki jinglong jingman hapoh ka seng kan bha shibun lada ieh beit ha ki nongthoh khubor.
Haba kylli la ka don kano kano ka jingthmu ban bujli nongialam ha ka UDP, u MLA ka West Shillong ula ong “Peit, nga tharai ka dei ka kamram jong ki nongthoh khubor kum ki nongthaw ia ka rukom sngew ba kin wad ruh bad ban bishar bniah ia ka jinglong jingman ha ka kam sain pyrthei. Ngam lah ban pynsngew ha kaba iadei bad ka kam sain pyrthei halor ka seng kaba nga don bad ban ong eiei”.
Nalor kane ula bynrap, “Lada nga ong kiei kiei baroh ki long kiba biang, phin ong ba une u briew u kren kyntiew skong ia ka UDP. Lada nga ong, baroh kiei kiei ki long kiba bakla, phin ong ba u kynthoh ia la ka jong ka seng. Balei phim bishar hi ia ki jinglong jingman?
U Bah Paul Lyngdoh ula ong, ba ka jingkren ka jongu kham shwa ban pyniar ia ka rukom treikam jong ka seng kaba iar ha ka jingdonbynta lang ki dkhot, kadei kaei kaei kaba u dang iengskhem haduh mynta.
“Nga lah dep kren shaphang ka jingdonkam ban pyndonbynta lang ia baroh ki dkhot. Kane ka don ha ka rekod bad nga bteng ban ieng halor kane ka nongrim” ula ong.
Haba kylli la ka UDP kam shim la iaid katkum ka rukom treikam ka seng, ula kyntait ban jubab eiei halor kane hynrei ula ong, “Sngewbha ba phin leit biang sha ka jingkren kaba nga lah kren kham hashwa, balei nga lah ai ia katei ka jingkren bad kaei ka jinglong jingman haduh mynta lada phi hap ban khmih bniah ia ka jingkren”.
 Bah Paul Lyngdoh ula kyntait ban jubab ia ki jingkylli shaphang ka jingdawa bujli nongialam hapoh ka UDP bad ong kylla ia ki nongthoh khubor ba ka jingpynwan dur ia ki jinglong jingman hapoh ka seng kan bha shibun lada ieh beit ha ki nongthoh khubor.){kind=link}